طالبانو تخار ولايت کې د تخارستان راډيو مسوول نيولی او وهلی ډبولی دی

د طالبانو استخبارات د قوس په ۱۸مه په تخار ولايت کې د تخارستان محلي راډيو سرپرست او خبريال ذبيح الله نوري کور ته ورغلي وو، د کور پلټنې يې کړې، د نوموړي د کورنۍ غړي هم وهلي وو او نوموړی او د هغه ورور يې نيولي او له ځان سره بیولي وو.

ويل کيږي ذبيح الله نوري او ورور يې درې شپې ورځې د طالبانو په بند کې وو او د طالبانو له خوا تر شکنجې لاندې وو چې ډیر وهل يې ورکړي دي.

د افغانستان ژورنالېستانو مرکز او خبريالانو مدافع ټولنو د طالبانو دا کار غندلی او لا طالبانو يې غوښتي چې د خبريالانو نيول او ټکول ودروي.

دا لومړی ځل نه دی چې طالبان خبريالان او د رسنيو مسوولين نيسي او شکنجه کوي يې بلکې تر دې وړاندې هم د طالبانو استخباراتو خبريالان نيولي او وهلي ډبولي دي چې زيات شمېر خبريالان له هېواده په وتلو اړ شوي دي.

نړيوالو د طالبانو له خوا د خبریالانو او فعالانو نيول بار بار رد کړي او له دوی یې غوښتي چې د خبريالانو د ځورولو لړۍ ودروي خو طالبان پرې غوږ نه ګروي او په بيا بيا ورته کړنې تکرارويډ