پاکستان اقتصادي بحران: چارواکي يې له دغه هېواده خپله پانګه وباسي؛ خلک يې له قحطۍ سره مخ دي

په پاکستان کې يو ځل بيا د خوراکي توکو د کمښت او بيو د لوړوالي له کبله د خلکو شکايتونه زيات شوي.

د پاکستان په زيات شمېر سيمو کې د اوړو بحران رامنځته شوی، په پېښور کې يوه ډوډۍ په ۳۰ او پنجاب کې ۴۰ کلدارې ته پورته شوې.

په ورته مهال د پاکستان د ماليې وزير اسحاق ډار د سعودي عربستان په ګډون له يو شمېر خواخوږو هېوادونو د مرستې او پور ورکولو تمه ښودلې ده.

د پاکستان د ماليې وزير ويلي تمه لري چې د سعودي عربستان په ګډون نور خواخوږي او دوست هېوادونه يې لاسنيوی وکړي او نوي پورونه ورکړي.

ځينې راپورونه ښيي چې دا مهال د پاکستان چارواکي هڅه کوي د اقتصادي رکود له امله خپلې پانګې له پاکستان وباسي.

په دې وروستيو کې د پاکستان اقتصادي حالت مخ پر ځوړ روان دی او يوې ورځې بلې ته يې د پيسو ارزښت هم راټيټيږي چې ورسره په بازارونو کې د خوراکي توکو بيې هم خورا لوړې شوي دي.

پاکستان دومره قرض دار دی چې اوس وخت کې هېڅ هېواد او سازمان نه د قرض اخيستلو لپاره مخ نه شي ور اړولی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More