fbpx

پنځلس میلیارده افغانۍ د لس سلنې مخابراتي محصول څخه ملي عواید ته زیاتې شوې

۱۵ میلیارده افغانۍ د مخابراتي خدماتو د لس سلنې د محصول څخه د هېواد ملي عوایدو ته زیاتې شوې دي .

د مخابراتو وزارت  وزیر نن یکشنبه په یوه خبري کنفرانس کې وویل چې د مخابراتو ، مالیې وزارت او اترا څخه ګډې کمېټې د لس سلنې مخابراتي محصول د پیل څخه تر ننه پورې پوره نظارت کړی دی .

اریوبي (( ملت ته د حکومت حساب ورکولو )) برنامې له لارې نن په یوه خبري کنفرانس کې ، د یاد وزارت لاسته راوړنې او پروګرامونو په اړه توضیحات ورکول زیاته کړه ، چې ۱۵ میلیارده افغانۍ د مخابراتي شرکتونو د لس سلنې محصول څخه د حکومت په عوایدو کې زیاتې شوې دي .

نوموړي ټینګار وکړ چې (( ریال ټایم ډیټا منجمنټ سیستم )) به ډېر ژر ایجاد شي او په نږدې راتلونکې کې به یې تجهیزات  افغانستان ته ورسیږي .

اریوبي همدارنګه وویل چې د (( آترا چېرې ده )) موضوع په جدي توګه تر تعقیب لاندې نیسي نوموړي وویل چې آترا ادارې له خلکو سره ۲۰ ژمنې کړې وې چې د هغې له ډلې څخه یې یوازې یوه ژمنه عملي کړې ده چې هغه هم د شکایاتو اورېدنې شمېرو وړیا کېدل دي او په نورو ۱۹ ژمنو عمل لا هم په ځایه پاته دی . د ده په خبره آترا ادارې د خلکو سره د مخابراتي او انټرنیټي ستونزو ژمنه هم له خلکو سره کړې ده چې باید تر سره شي .