۳۵ کاله مخکې د باچا خان مرګ د ده د فلسفې مرګ وو

نن د فخر افغان خان عبدالغفار خان پاچا خان بابا (۳۵) تلین دی؛ روح یې ښاد او پر مزار یې ګلونه.

پاچاخان په یوه داسي قوم کې پیدا شوی وو چې د سپیو؛ کرکانو؛زرکانو جنګ او په عام مظحر کې جزاګانو ته زرګونه خلک را ټولېږي، خو علمي ناستې؛ د نجونو پر زدکړو او ښځو د کار د بندیز خلاف غونډې ته د ورتګ ایمان نه لري.

پاچا خان په داسي قوم او ملت کې د عدم تشدد فلسفه خوروله چې د نارینه پر زېږېدو او واده دواړو ډزې کوي؛ د ښځو په ترټلو؛ وهلو او زلیله کولو فخر کوي.

پاچا خان یو په علم او پوهه سامبال قوم او ملت لټاوه؛ خو له بده مرغه د هغه دا ارمان پوره نشو او ملت یې د یوې بېسارې پردۍ جګړې داسي ښکار شو چې سر او بر یې لا تر اوسه نه دی معلوم.

د پاچاخان پنځه دېرش کاله د مرګ و شول او دده د ټولي فلسفې مرګ د ده مرګ وو.

له بده مرغه نن پاچاخان هم د خلکو هېر دی او دده د عدم تشدد فلسفه هم د خلکو هېره ده؛ آن تر دې چې ددې ګروپ یو ښاغلي او د خبریال ادارې ایډیټور صاحبانو ته هم دا مهمه ورځ نه ده معلومه.

روح یې ښاد
میرویس افغان

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More