fbpx

اصغر افغان د لوبډلمشر په توګه سوت افریقا ته وخوځېد

د افغانستان ملي لوبډلې پخوانی لوبډلمشر اصغر افغان د راتلونکي (۲۰۱۹) کال پنځوس اوریزه نړیوال جام لپاره یو ځل بیا د لوبډلمشر په توګه وټاکل شو.

د افغانستان د کرکټ ملي‌لوبډلې لوبډلمشر او لوبغاړو او د افغان کرکټ بورډ ترمنځ راپورته شوې شخړه په ارګ کې د ښاغلي مختار او د کرکټ بورډ د پخواني اجرایوي‌ریس شفیق ستانکزي‌په هڅو هواره او دواړه لوري‌سره جوړ شول.

خبریال ډاټ کام ته د رارسېدلو معلوماتو له مخې د بورډ مشر عزیزالله فضلي دغه راز اصغر افغان څلور ساعته وړاندې له متحده عربي اماراتو څخه د سوت افریقا په لور وخوځېدل جنوبي افریقا ته به له نږدې دوه ساعتونو وروسته ورسېږي او هلته به د ملي لوبډلې روانه تمریناتي لوبه ودروي او یو ځل بیا به د نړیوال جام لپاره لوبډلمشر اصغر افغان وټاکل شي.
څو ورځې وړاندي‌د بورډ د پرېکړې پر خلاف په افغان کرکټ بورډ کې د (پلیرز پاور) له رول څخه ګټه واخیستل شوه ، محمد نبي عیسی خېل او راشد ارمان د اصغر په حق کې ودرېدل او وې غوښتل چې اصغر افغان دې بېرته لوبډلمشر شي.

د افغانستان د کرکټ بورډ پخوانی اجرایه ریس شفیق ستانکزی چې د درملنې په موخه په هند کې وو، له راتګ سره سم دې موضوع ته ور ودانګل او دواړه لورې،اصغر افغان او د کرکټ بورډ‌چیرمین عزیز الله فضلي یې په جلا جلا توګه خپل کورته څو ورځې وړاندې وروغوښتل چې نن په اماراتو کې دا ستونزه حل شوه.

تر اوږدو بحثونو وروسته د افغانستان کرکټ بورډ پرېکړه وکړه چې په سویلي‌افریقا کې به بېرته اصغر افغان د لوبډلمشر په توګه معریفي کوي او نړیوال جام کې به د اصغر افغان په مشرۍ افغانستان سیالۍ ترسره کړي.

د یادولو وړده چې د دې ستونزي‌د حل هر اړخیزه هڅه په ارګ کې مختار دغه راز د عزیزالله فضلي سره سره شفیق ستانکزي‌هم کوله چې تر ډېره بریده دا لوري بریالي شول.