د طالبانو پاسپورټ اداره کې د فساد اوج

خبریال وېب پاڼه- خبریال وېب پاڼې ته په لاس ورغلي شواهد ښيي چې د طالبانو حکومت په بیلا بیلو ادارو کې مالي او اداري فساد اوج ته رسېدلی دی.

د کابل ښار یو اوسېدونکي چې نه غواړي نوم یې واخیستل شي خبریال وېب پاڼې ته وویل چې رسماً د طالبانو له لوري د پاسپورتونو د وېش لړۍ بنده ده؛ خو ده د خپلې کورنۍ یوه غړي ته په ۱۹۰۰ نولس سوه امریکایي ډالر یو پاسپورت جوړ کړی دی.

یو بل کس بیا وایي چې پاسپورت یې د روانې جنوري میاشتې پر لسمه نېټه د ۱۶۰۰ شپاړس سوه امریکایي ډالرو په بدل کې جوړ کړی دی.

خبریال وېب پاڼې ته د پاسپورتونو عکسونه رسېدلي چې تازه د نوي زېږديز کال په پيل کې جوړ شوي دي.

خلک د طالبانو حکومت په اداري فساد تورنوي او وایي چې تر پخواني جمهوري حکومت هم په فساد کې پر مخ تللي دي که یې کابو نه کړي د حکومت ډېري برخې به ډېري زیانمنې کړي.

خلک وايي که چېرته طالبان فساد کابو نه کړي د جمهوريت له چارواکو به هم په بد برخلیک اخته شي.

طالبانو له اوږدې مودې راهیسې د تخنيکي ستونزو په بهانه د پاسپورټ اداره تړلې خو خلک وايي پاسپورټ يوازې هغه کسانو ته ورکول کيږي چې وس لري او کولی شي په يو پاسپورټ زرګونه ډالر ورکړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More