طالبانو هلمند کې د ځنګلونو وهل لا نور چټک کړل

خبریال وېبپاڼه – د افغانستان په هلمند ولایت کې وسله والو طالبانو د ځنګلي ونو وهل چټک کړي دي.

د هلمند له ولایتي ودانۍ یوه لوړ رتبه طالب خبریال وېبپاڼې ته و منل چې لښکرګاه ته څېرمه د ځنګ ونې طالبانو د سون توکو نه لرلو له کبله وهلې دي او دا سلسله روانه ده.

د ځنګلونو وهل که څه هم په نړۍ واله کچه یو غیري قانوني عمل دی خو طالبان ځکه دا کار کوي چې د سون توکي نه لري.

د هلمند ولایت د زراعت ریاست یو مامور چې نه غواړي نوم یې واخیستل شي وایي جې طالبان د ځنګلونو په اهمیت نه پوهېږي او دا علت دی چې ددوی د مشرانو په خوښه د هلمند ځنګلونه رېبل کېږي او دوی یې د سون توکو پر پار کاروي.

د لښکرګاه ښار یو بل اوسېدونکي خبریال وېبپاڼې ته وویل چې ځیني طالب وسله وال د ځنګلونو ونې پلوري او ځیني نور بیا خپلو خپلوانو ته ځنګلي ونې د سوغات په بڼه ورکوي.
ځایي خلک وایي که کابل کې د طالبانو لوړرتبه چارواکي ددې کار مخنیوی ونه کړي ښایي د هلمند ځنګلونه ډېر ژر له منځه ولاړ شي او لښکرګاه بیا د طبعي افاتو ښکار شي.

تر دې وړاندي له کنړ او ځینو نورو ولایتونو هم د ځنګلونو د وهلو خبرونه تر لاسه شوي وو خو اوس د سختې یخنۍ په سورت کې دا سلسله لانوره زیاته شوې ده.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More