صالح د پاکستاني سفير ته په غبرګون: تاسو خو د لوړو زده کړو په نوم ترهګر روزئ
د افغانستان د پخواني ولسمشر محمد اشرف غني لومړي مرستيال امرالله صالح ملګرو ملتونو کې د پاکستان سفير د وروستيو څرګندونو په غبرګون کې سخت ځواب ورکړ.
نوموړي پاکستان ملامت کړ چې د افغانستان له حالاتو غلطه ګټنه کوي او د ای اېس ای ډ څارنې لاندې يې په مدرسو کې افغان ځوانان چې اکثريت يې پښتانه وو د ديني او عصري زده کړو په نوم برعکس وروزل چې اشاره يې د ترهګرو روزلو ته وه.
چهارشنبه په نيويارک کې د ملګرو ملتونو په عمومي اسمبلۍ کې د پاکستان سفير منير اکرم وويل چې د طالبانو له لوري د ښځو د زده کړو د بنديز موضوع مذهبي ريښه نه لري بلکې د پښتنو له کلتور نه سرچينه اخلي. چې ښځو ته په کور د کېناستو امر کوي.
د منير اکرم په ځواب کې په ملګرو ملتونو کې د افغانستان استازي نصير احمد فايق ويلي، د ښځو د زده کړو بنديز د افغانستان هېڅ قوم پورې تړاو نه لري بلکې دا د طالبانو د فرهنګ برخه ده. پښتانه خو له ډيورنډ کرښې ها خوا هم شته چې زده کړې او پرمختګ غواړي خو دا طالبان وو چې شل کاله يې مکتوبونه سېځل.
د منير اکرم څرګندونې په لر او بر او به د افغان فعالانو او پخوانيو سياسيونو له لوري له توندو غبرګونونو سره هم مخ شوي دي.
په ورته مهال د منير اکرم څرګندونو ته د نوبل جايزې ګټوونکې ملالې يوسفزۍ، د نوموړې پلار ضياء الدين يوسفزي، د پښتون ژغورنې غورځنګ فعالانو او افغانستان پخوانيو سياسيونو غندلې او غبرګونونه يې ورته ښودلې.