ملګروملتونو کې د پاکستان سفير د خپلو څرګندونو په اړه له پښتنو بخښنه وغوښته
ملګرو ملتونو کې د پاکستان سفير منير اکرم د پښتنو په اړه د خپلو وروستيو څرګندونو له امله بخښنه وغوښته.
نوموړي په خپل ټوېټر ليکلي چې زده کړو ته د نجونو نه پرېښودل نه اسلامي دي او نه هم د پښتنو په کلتور کې دي، وايي خبرې مې سمې نه دي تعبير شوي او په دې توګه يې بخښنه هم غوښتې ده.
نوموړي چهارشنبې په ورځ په نيو یارک کې د ملګرو ملتونو عمومي غونډه کې ويلي وو چې زده کړو ته د نجونو نه پرېښودل مذهبي ريښه نه لري بلکې د پښتنو له کلتور سرچينه اخلي چې ښځو ته په کور د کېناستو امر کوي.
د منير اکرم د څرګندونو ځواب ملګرو ملتونو کې د افغانستان استازي نصير احمد فايق ورکړ او ويې ويل چې د ښځو د زده کړو بنديز د افغانستان هېڅ قوم پورې تړاو نه لري بلکې دا د طالبانو فرهنګ وو او دی چې شل کاله يې مکتوبونه سېځل.
د پاکستاني سفير منير اکرم څرګندونې په لر او بر او بهر کې هم د پښتنو فعالانو له خوا له تندو غبرګونونو سره هم مخ شوې وې او نوموړی يې له امله په پېښور کې احضار شوی هم وو.
منير اکرام پرون د خپلو څرګندونو له امله له پښتنو بخښنه وغوښته.