fbpx

راجستان په پنځو ویکټو ممبيي مات کړ

د هند غوره لیګ یا د ( ای پي ایل) سیالیو په دوام په (۳۶) مازدیګرنۍ لوبه کې راجستان رایلز لوبډلې په پنځو ویکټو ممبيي انډینز لوبډلې ته ماتې ورکړه.

په دغې سیالۍ کې پچه یا ټاس راجستان رایلز لوبډلې وګاټه او لومړی یې د توپ اچونې پرېکړه وکړه ممبي اینډینز لوبډلې په ټاکلو شل اورونو کې د پنځو لوبغاړو
په سوځېدو سره د (۱۶۲) منډو هدف راجستان ته وټاکه.

د ممبيي انډینز لوبډلې لپاره په توپ وهنه کې کوینټن ډیکوک تر ټولو ډېرې( ۶۵) منډې جوړې کړې دغه راز هارډېک پنډیا بیا (۲۳) منډې او یاداو (۳۴) منډې ترسره کړې.

د راجستان رایلز لوبډلې لپاره په توپ اچونه کې چېک ګوپال دوه لوبغاړي دغه راز اونتکت هم دوه لوبغاړي له مخې پورته کړل.

راجستان رایلز لوبډلې د ممبيي انډینز لوبډلې ټاکل شوی د( ۱۶۲) منډو هدف د شلم اور په لومړي توپ د پنځو لوبغاړو په سوځېدو سره پوره کړ او سیالي یې پر پنځو ویکټو وګټله.

د راجستان رایلز لوبډلې لپاره په توپ وهنه کې سټیو سمېټ نیمه سلیزه ووهله نوموړي( ۵۹) منډې جوړې کړې دغه راز پراګ (۳۳) او ویکټ ساتونکي سنجو سمسون بیا ( ۳۵) منډې وکړې.

د ممبيي انډینز لوبډلې لپاره په توپ اچونه کې هندي راهول چاهار یو ځل بیا درې لوبغاړي له مخې پورته کړل او جسپرېټ بومرا هم یو لوبغاړی له مخې پورته کړ خو دواړو توپ اچونکو له هدف څخه دفاع ونکړه او لوبه یې وبایله.

د یادې سیالۍ غوره لوبغاړی سټیو سمېت ونومول شو نوموړي نن نیمه سلیزه ووهله

د هند غوره لیګ په دوام په اووه دېرشمه لوبه کې همدا مهال کینګز الیون پنجاب لوبډله د ډهلي کپیټلس پر وړاندې د سیالۍ ډګر ته وتلې په دې لوبه کې پنجاب یو ځل بیا افغان لوبغاړي مجیب الرحمان ته چانس نه دی ورکړی.