په لسگونو زره پاکستاني ښځو د جنسي ځورونې پر ضد لاریون وکړ

خبریال وېبپاڼه: د پاکستان په لسگونو زرو ښځو د ښځو د نړيوالې ورځې په مناسبت د دغه هېواد په لويو ښارونو کې مظاهرې وکړې.

الجزیره راپور ورکړی چې سږ کال اتم د مارچ دغه لاریون په اسلام آباد، لاهور، ملتان، پنجاب، حیدر آباد او جنوبي سند ښارونو کې په یو وخت ترسره شو.

د پاکستان په بیلا بیلو ښارونو کې د ښځو د لاریونونو تنظیم کونکو د پدرسۍ تاوتریخوالی د پای ته رسولو، د اقلیمي مسلو په اړه پریکړه کولو کې د ښځو د زیاتوالي، اقتصادي فرصتونو ته د ښځو د خوندي لاسرسي د برابرولو او داسې نورو غوښتنه وکړه.

دغه لاریون چې له ۲۰۱۸ کال راهیسې په لاره اچول شوی، د خپلو پارونکو شعارونو او بینرونو له امله د ځینو خلکو له مخالفت سره مخ دی، چې موخه یې د نر پالنې ننګول او د طلاق او جنسي ځورونې په څېر مسلو په ګوته کول دي.

د یادونې وړ ده چې د بشري حقونو د څار نړیوال سازمان په خپل ۲۰۲۲ کال راپور کې ویلي وو، چې په ټول پاکستان کې د ښځو او نجونو پر وړاندې تاوتریخوالی چې په کې جنسي تېری، وژنې، تیزابي حملې، کورنی تاوتریخوالی او جبري ودونه شامل دي.

د دغه راپور له مخې په دغه هېواد کې هر کال لږ تر لږه زر ښځې وژل کېږي.