د شمالي کوریا پوځ ته د کیم جونګ اون امر: رښتینې جګړې ته چمتو اوسئ
خبریال وېبپاڼه: د شمالي کوریا مشر کیم جونګ اون د خپل هیواد پوځ ته امر کړی چې د “ریښتینې جګړې” لپاره روزنه ګړندۍ کړي.
د فرانسې خبري آژانس د راپور له مخې، د شمالي کوریا مشر دغه حکم نن په یوه پوځي اډه کې د پوځ د پوځي تمریناتو د لیدنې پر مهال صادر کړ.
د دغه هیواد د دولتي ټلویزیون د راپور له مخې، کیم جونګ اون خپلو پوځیانو ته ویلي، چې د دوو ستراتیژیکو ماموریتونو لپاره چمتو اوسئ- لومړی یې د جګړې مخنیوی او دوهم یې په جګړه کې نوښت دی.
هغه زیاته کړه: “پوځي واحدونه باید په دوامداره توګه په مختلفو شرایطو کې په بیلابیلو لارو کې د ریښتینې جګړې لپاره مختلف نقلي تمرینونه ګړندي کړي.”
په ورته وخت کې، د کیم جونګ اون او د هغه د لور خپاره شوي عکسونه ښیي چې دوی د شمالي کوریا د توپچي واحد لخوا د توغندیو توغولو ته ګوري.
په دې وروستیو کې سویلي کوریا او متحده ایالاتو د پیونګ یانګ لخوا د توغندیو ازموینو او ګواښونو په ځواب کې لس ورځنی ګډ تمرینات ترسره کړل.
هغه قضیه چې ویل کیږي د شمالي کوریا د مشر د نوي بیان او حکم لپاره یو انګیزه کیدی شي.