تالبان نه غواړي، چې د کجکي بند کاسه له اوبو ډکه شي

خبریال وېبپاڼه: د هلمند یو شمېر اوسېدونکي وايې، چې د کجکي برېښنا بند (کاسې) ته د لارې په اوږدو کې پر شته سیند چې د بابا له غره څخه سرچینه اخلي، په زرګونو طالب کروندګر له غیر قانوني اوبو څخه ګټه پورته کوي چې دې چارې د یاد برېښنا بند (کاسې) د ډکېدو مخه نیولې ده.

د هلمند ولایت د کجکي ولسوالۍ یو اوسېدونکي خبریال وېبپاڼې ته وويل، چې تېره درې کلنه وچکالي او د کجکي برېښنا بند پر شاوخوا د طالبانو د حکومت لويو چارواکو ۷۰۰ غیر قانوني واټرپمپونه ایښي دي چې له امله یې دغه ولایت کې یو لوی شمېر کروندګر د اوبو او برېښنا د نشت او کمښت سره مخ کړي دي.

نوموړی وایي، لویه ستونزه د هغه طالب چارواکو غیر قانوني واټرپمپونو رامنځته کړي ان تر دې یادي غیر قانوني چارې يې د څښاک پاکو اوبو ته د ولسي خلکو لاس رسی هم محدود کړی دی.

هغه زیاتوي «د ټول هلمند په کچه هغه کرنیزې ځکمې چې د کجکي برېښنا بند څخه خړوبېږي زیات شمېر یې د طالب چارواکو دي.
د هلمند ځایي مسوولین هم تاییدوي، چې د کجکي برېښنا بند پر شاوخوا سيمو کې زرګونه خلک د واټرپمپونو په وسیله دښتې او ځمکې خوړوبوي.