پاکستان: ګاونډ کې د پوليسو “تحريک انصاف ګوند” پلويانو ترمنځ اخ و ډب رامنځته شوی
د ګاونډي هېواد پاکستان د رسنيو پروني راپورونه ښيي چې د عمران خان د ګوند تحريک انصاف او پاکستاني پولیسو ترمنځ اخ و ډب رامنځته شوی او د عمران خان د ګوند ۳۵ پلويان يې ډبولي دي.
د تحريک انصاف ګوند پلويانو په خواله رسنيو ځينې وېډيو ګانې خپرې کړي چې په کې ښکاري پوليس د ګوند غړو د نيولو او وهلو په حال کې دي.
په ورته مهال عمران خان ته امر شوی چې د جمعې په ورځ د قاضي پر وړاندې محکمې ته حاضر شي او د خپلو تورونو سپيناوی ورکړي چې قيمتي دولتي ډالۍ يې په پټه پلورلي دي.
څه موده وړاندې په عمران خان تازه تور پور شو چې د خپل حکومت پرمهال د بهرنيو هېوادونو له لوري ورکړل شوي قيمتي ډالۍ يې په پټه پلورلي دي.
د اسلام اباد پوليس وايي عمران خان به د محکمې له امر سره سم ونيسي.
عمران خان هم د خپلو پلويانو د وهلو په تړاو په ټوېټر خپله يوه وېډيو خپره کړې او ويلي دي که زه ونيول شم هم پلويان دې مبارزې ته دوام ورکړي.
د پاکستان ډان ورځې پاڼې ډ راپور له مخې محکمې امر کړی چې عمران خان دې د مارچ تر ۱۶ مې ونه نیول شي د عمران خان وکيل ويلي چې مؤکل يې د امنيتي ګواښ له کبله محکمو ته نه شي حاضرېدلی.
له څو مياشتو راهيسی د عمران خان د نيولو او د نوموړي د پلويانو له لوري د لاريونونو له کبله په پاکستان کې سخته ګډوډي رامنځته شوې ده