بغلان کې اته طالبان وژل شوي
خبریال وېبپاڼه: په بغلان کې سیمه ییزې سرچینې وايي، د طالبانو او د مقاومت د جبهې د جنګیالیو ترمنځ د نښتې په پایله کې ۸ طالبان او د دغې جبهې دوه جګړه کوونکي وژل شوي دي.
سرچینو خبریال وېبپاڼې ته ویلي، چې دغه جګړه نن د بغلان ولايت د اندراب دره د پل حصار ولسوالۍ په تغانک کلي کې رامنځته شوې ده.
سرچینه زیاتوي، چې د وسله والو طالبانو او د مقاومت د جبهې د جنګیالیو تر منځ نښته وروسته له هغه رامنځته شوه، چې طالبانو د اندراب ولسوالۍ د حصار په پله کې کور په کور تلاشي پیل کړه.
په بغلان کې طالبانو تر اوسه په دې اړه څه نه دي ویلي.
د هوا له ګرمېدو وروسته دا د بغلان په اندراب کې له طالب جنګیالیو سره د مقاومت جبهې د مخامخ جګړې لومړۍپېښه ده.
Comments are closed.