د پاکستان د وکیلانو ټولنې د عمران خان د نیولو لپاره د زور استعمال غندلی دی
خبریال وېبپاڼه: د پاکستان د سترې محکمې د وکيلانو ټولنې د دغه هېواد د پخواني لومړي وزير عمران خان د نيولو لپاره د قانون پلي کوونکو ادارو له خوا د زور زياتي کارول غندلي دي.
دغې ادارې په یوه اعلامیه کې ویلي، چې پاکستان یو دیموکرات هېواد دی او د قانون له مخې اداره کېږي.
په دغه بیانیه کې ویل شوي چې د عمران خان د نیولو لپاره د لاهور د پولیسو اقدام د هغه په خلاف له لګیدلي تورونو سره د پرتلې وړ نه دی.
بلخوا عمران خان په یو لړ ټویټونو کې د دغه بیان هرکلی کړی دی.
باید وویل شي، چې پاکستاني پولیس له څو ورځو راهیسې د عمران خان د نیولو هڅې کوي؛ خو د خپلو مینه والو د مقاومت له امله تر اوسه نه دي بریالی شوي.
Comments are closed.