کور پاڼه / خبرونه / د ۴۸ داخلي بې ځایه شوو کورنیو سره د خوراکي توکو مرسته و شوه

د ۴۸ داخلي بې ځایه شوو کورنیو سره د خوراکي توکو مرسته و شوه

لغمان ولایت ولایت چارواکي وايي د کډوالو چارو ریاست په هلو ځلو يي هغه ۴۸ کورنیو ته چې د لغمان ولایت دالینګار ولسوالۍ د کندګل له سیمې څخه بې ځایه شوې وې د خوراک نړیوال سازمان ( WFP ) له لوري د خوراکي توکو برابره شوې .
ياده مرسته نن د کډوالو چارو رئیس انجینر شاکر الله شاکر او د یادې موسسې د استازو په لاسونو وویشل شوه
. د لغمان د کډوالو چارو ریس انجینر شاکر د بې ځایه شوو کورنیو راغلو استازو ته وویل چې ولایت مقام او ولایتي اداره په دې هڅه کې ده څو ستاسې په شان د اړمنو کورنیو لپاره د نورو مرستندویه ادارو پام هم دې ولایت ته را جلب کړي. نوموړو د خپلو خبرو په داوم له ټولو مرستندویه موسسو څخه مننه وکړه چې په هر حال کې په دې ولایت کې په مختلفو برخو کې مرستې کوي. د یادونې ده چې په شوې مرسته کې د هرې کورنۍ لپاره څلور بوجې اوړه ، درې بوشکې غوړي، ۱۴ کیلو ګرامه دال او یوه یوه کیلو مالګه ځانګړې شوې وه، څو خپل لومړني ضرورتونه پرې پوره کړي.

بیا وګوره

يو تن وسلو سره ونيول شو

په ننګرهار ولايت کې یو تن د وسلو او مهماتو سره یو ځای ونیول شو. …

حنيف اتمر د سعودي عربستان د کورنيو چارو له وزير سره وليدل

د ملي امنيت سلاکار محمد حنيف اتمر سعودي عربستان ته د خپل سفر په ترڅ …