بلوچ: د ټي ټي پي مشران لاس تړلي را وسپارئ

خبریال وېبپاڼه: د پاکستان د بهرنیو چارو وزارت له طالبانو غوښتي چې د ټي ټي پي مشران لاس تړلي ور وسپاري.
د یا وزارت ویاندې ممتاز زهرا بلوچ تېره ورځ یو خبري کنفرانس ته ویلي چې دوی له ټي ټي پي سره خبرې نه کوي؛ بلکې د دې پرځای باید طالبان دا ډله او مشران یې اسلام اباد ته وسپاري.
هغې یو وار بیا د دېرې اسماعیل خان برید په اړه ویلي چې طالبان باید په دې اړه جدي څېړنې وکړي.
د بلوچ د څرګندونو په اړه د طالبانو حکومت تر اوسه څه نه دي ویلي؛ خو وړمه ورڅ یې ویلي وو چې پاکستان باید هر څه له دوی پورې ونه تړي.
د یادونې ده چې د دغه برید په اړه پاکستان حکومت اسلام اباد کې د طالبانو سفیر هم احضار کړی و.
که څه هم د دغه برید مسولیت تحریک جهاد ډلې ومانه؛ خو پاکستان وايي، طالبان په خپله خاوره کې ټي ټي پي ته ځای ورکوي او له هغه ځایه پاکستان کې مهم بریدونه پلانیږي.