fbpx

وړانګې لوڼۍ د جلال آباد پر پېښه خواشیني ښودلې

خبریال وېب پاڼه کوټه – ۱۴ مې ۲۰۱۹ د پښتون ژغورني غوځنګ مځکښې وړانګې لوڼۍ په جلال آباد کې پر پرونۍ پېښې خواشیني ښودلې او دا غم یې د پښتون ملت ګډ غم بللی دی .

نوموړې همداراز ویلي دي ، چې د ازاد افغانستان  او محکومې پښتونخوا دښمن یو دی ، د جلال آباد غم زموږ غم دی  .

لوڼۍ همدارنګه تېره ماښام په کوټه کې چاودنه یاده کړه او پړه یې پر پاکستاني پوځ ور واچوله .

تېره ماښام په جلال آباد ښار کې د څلورو پر له پسې چاودنو له کبله ۲۴ تنو ته مرګ ژوبله اوښتله چې څلور تنه یې ووژل شول او تر ۲۰ نور ټپیان شول ، د ننګرهار والي د ټپیان د پوښتنې پر مهال له رسنیو سره په خبرو کې وویل چې په پېښه کې ټول وژل شوي او ټپیان شوي ملکي وګړي دي .

لوڼۍ دوه ورخې وړاندې په کابل کې د مینې منګل وژل کېدو پېښه هم په کلکو ټکو غندلې وه او زیاته کړې یې وه ، چې زموږ په خاوره دښمن هر وخت زموږ پوهې ښځې وژلې دي ، د نوموړې په خبره د قام او وطن امن او سوکالي د باشعوره ښځو سره تړلې ده .

Loading...