ټي ټي پي: تېره یوه میاشت کې مو ۷۷ پاکستاني پوځیان وژلي
د پاکستان حکومت پر ضد دجنګېدونکې ډلې یا ټي ټي پي ویلي چې په تېره یوه میاشت کې یې ۷۷ پاکستاني پوځیان وژلي دي.
یادې ډلې په یوې خپرې کړې خبرپاڼه کې ویلي، چې ۹۵ نور پوځیان یې په غلچکیو بریدونو کې مرګوني ټپیان کړي دي.
دا بریدونه د خیبر پښتونخوا په ډېره اسماعیل خان، ټانک، سویلي وزیرستان، بنو، لکي مروت، شمالي وزیرستان، او یو شمېر نورو سیمو کې ترسره شوي دي.
ټي ټي پي ویلي، چې دوی د پاکستاني پوځيانو یو شمېر وسلې او تجهیزات هم نیولي دي.
