fbpx

پاکستانۍ لوبډلې د ۲۶۳ منډو هدف افغانستان ته وټاکه

خبریال ویب پاڼه لندن – ۲۴ مۍ ۲۰۱۹: د راتلونکي نړیوال وړاندې نن وارم اپ یا تمریناتي سیالۍ پیل شوې د پیل په لوبه کې پاکستان لوبډله د افغانستان سره په سیالۍ کې مخ ده پاکستان په ټاکلو پنځوس اورونو کې د (۲۶۳) منډو هدف افغانستان ته وټاکه.

نن د پاکستان لپاره په توپ وهنه کې بابر اعظم سلیزه ووهله نوموړي (۱۱۲) منډې جوړې کړې دغه راز شعیب ملک( ۴۴) او امام الحق( ۳۲) منډې ترسره کړې.

افغان اتلانو لپاره په توب اچونه کې محمد نبي عیس خېل درې لوبغاړي وسوځول ،دغه راز دولت ځدراڼ او راشد خان دوه دوه لوبغاړي وسوځول، حمید حسن او افتاب عالم یو یو لوبغاړی له مخې پورته کړ.

په یاده سیالۍ کې دواړه لوبډلې په لومړیو کې د سخت فشار لاندې وې افغان اتلانو د سیالۍ د پیل سره سم تر څلورو پورې کیچونه وغورځول دغه راز یې یو سټمپ او یو رن اوټ مېس کړ خو بیا یې هم په خپل ټول قوت سره پاکستانۍ لوبډله د یو ستر هدف څخه راوګرځوله.

د افغانستان ملي لوبډله به له دمې وروسته د دوهم اننګز لپاره توپ وهنې ته راښکته شي تر څو د پاکستان لخوا ټاکل شوی د (۲۶۳) منډو هدف ترلاسه کړي.

روانه یو ورځنۍ لوبه نړیوال جام ته د تیاریو په موخه ترسره کېږي چې ګټل بایلل هېڅ باک نه کوي هیڅ لوبډله پرې درجه بندۍ کې مخکې او وروسته نه کېږي خو که کومه لوبډله یې ګټې نړیوال جام ته به په ښه مورال ورځي.

له دې وړاندې د افغانستان او پاکستان ترمنځ دوه رسمي نړیوالې یو ورځنۍ سیالۍ ترشوي دي پاکستان په( ۲۰۱۴) میلادی کال اسیا جام سیالیو کې افغانستان ته په لومړي ځل ماتې ورکړه. دغه راز په( ۲۰۱۸ )کال اسیا جام کې هم پاکستانۍ لوبډلې په یوې سختې سیالۍ کې افغانستان ته ماتې ورکړې وه.

د څو ساعتونو وروسته به معلومه شي چې په دې سیالۍ کې بریا کومه لوبډله ترلاسه کوي.