شفق یو ځل بیا خو له اوږد بندیز سره مخ شو

خبریال وېب پاڼه/د کرېکټ ملي لوبډلې وتلی ستوری او بریدګر توپ وهونکی شفیق الله شفق د کرېکټ بورد لخوا له شپږ کلن بندیز سره مخ شو.

د کرېکټ ملي لوبډلې چټک توپ وهونکی شفیق الله شفق یو ځل بیا د کرېکټ بورډ له خوا له اوږد (شپږ کلن) بندیز سره مخ شو. نوموړی په ۲۰۱۶ ز کال کې هم له شپږ میاشتني بندیز سره مخ شوی ؤ.

شفق د کرېکټ بورډ د فساد پر وړاندې د مبارزې کمېټې لخوا وروسته له هغه له شپږ کلن بندیز سره مخ کېږي چې نوموړي د افغانستان په لومړي پړاو غوره لیګ سیالیو کې چې په ۲۰۱۸ کال کې ترسره شوې، له نورو لوبډلو سره د جوړ جاړي په تور له شپږ کلن بندیز سره مخ شوی دی. نوموړی به په دغه موده کې د هېڅ ډول کرېکټ اجازه و نه لري.

یادې شوې کمېټې د شفق څلور تېروتنې را اخیستې دي او وایي چې خپله شفق هم اقرار پرې کړی دی. په دغو تېروتنو کې یوه یې د لوبې د پایلې په اړه جوړ جاړی چې یا په مستقیم او غیر مستقم ډول له مفسد لوري سره جوړېدل، د امتیاز او بډو وړاندیز کول، په عمومي توګه د داسې ګام اوچتول چې په هڅولو سره یې مقابل لوری پرې را پارول کېږي او غیر قانوني کړنو ته لار هواروي او وروستی هغه یې له کرېکټ بورډ سره د هغو نا ببریو او مېلمستیاوو چې د بډو په پلمه د لوبو په جریان کې ورته شوې یا وړاندیز شوې وې.

په ورته وخت کې د فساد پر وړاندې د مبارزې کمېټې مدیر سید انورشاه قریشي وایي چې دا یو نه بښونکی عمل دی چې د یوه وتلي کرېکټر لخوا دې ترسره شي. دوی زیاتوي چې شفیق الله شفق د بنګله دېش په غوره لیګ کې هم ورته هڅې کړې دي چې له امله یې د کرېکټ بورډ باور ته صدمه رسولې ده.

شفق تر دې وړاندې هم له ورته بندیز سره مخ شوی ؤ خو هغه مهال یې تېروتنه وړه وه او نوموړي ته د کرېکټ بورډ لخوا د شپږو میاشتو سزا ورکړل شوې وه.

یو شمېر هېوادوال او د کرېکټ مینوال بیا نیوکه کوي چې ګواکې په شفق باندې د کرېکټ بورډ لخوا زیاتی روان او هڅه کوي په لوی لاس دغه بریدګر لوبغاړی منزوي او ګوښه کړي.

دا په داسې حال کې ده چې په روان زیږدیز کال کې د کرونا له امله د وضعه شوي کرنتین له خلاصېدو هخوا د آسیا جام سیالۍ هم ترسره کېږي او د دغو سیاسلو لپاره شفق چې چټکه لوبه کوي، یو غوره آپشن بلل کېده خو اوس به پوره شپږ کاله دمه کوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More