چین ته د افغانستان صادرات بیا پیلیږي

خبریال وېب پاڼه/ چین ته د افغانستان صادرات بیا پیلیږي، سوداګرۍ وزارت وايي په لومړني پرواز کې به ۱۱۰ ټنه جلغوزې چین ته واستول شي.

د هوایي دهلیزونو له لارې د هېواد صادراتو بهیر هم تېره شپه له سره پيل شو.

د سوداګرۍ او صنعت وزارت وايي چې په لومړنۍ پرواز کې لس ټنه جلغوزې له هېواد څخه چین ته صادریږي او هندوستان ته د هنګ استولو له پاره هڅې دوام لري.

د سوداګرۍ خونه ټینګار لري چې د هوايي دهلیزونو له لارې به سوداګریزو توکو استول به د قرنطین په وخت کې د سوداګرو زیانونه جبران کړي او د پنج شنبې په ورځ به د هېواد طبي بوټو استولو بهیر هندوستان ته هم پيل شي.

له نږدې دوه میاشتو درېدو وروسته، د صادراتو بیاځلي پیلیږي.

له دې وروسته د هوایي چلند یو بهرنی شرکت، کورني محصولات په ځانګړې توګه د هېواد جلغوزې چین ته لیږدوي.

د سوداګرۍ او صنایعو خونه وایي چې بېګاه شپه چین ته د هیواد د صادراتو لومړنۍ الوتنه ترسره شوه او د راتلونکې اوونۍ پنجشنبې او شنبې په ورځو کې به د هېواد شاوخوا سل ټنه طبي نباتات هند ته ولېږدول شي.

اوس د هوایي دهلیز له لارې هند ته د الوتنو پیل لپاره هڅې دوام لري او تمه کیږي چې د افغانستان هنګ د دهلي بازارونو ته صادر شي.

د سوداګرۍ او پانګونې خونه وایي ټاکل شوې ده چې د هېواد کورني محصولات د هوایی چلند دوه کورني شرکتونه هند ته ولېږدوي.

د دغې خونې مرستیال له حکومته غواړي چې د ځمکنیو لارو خلاصون کې هم هڅه وکړي.

د سوداګرۍ او صنعت وزارت، د هوایي دهلیز له لارې د صادراتو د بهیر بیا پیل د هېواد صادراتو د ودې په برخه کې حیاتي بولي.

د کرونا ویروس د نورو مواردو سره سره، د هېواد سوداګرۍ او پانګونې ته هم زیان رسولی دی.

د سوداګرۍ خونې شمېرې ښیي چې خصوصي برخې د ښارونو قرنطین کېدو او د پولو تړلو له امله، یو نیم میلیارده ډالره زیان لیدلی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More