کندز کې پر ټولو لارو د طالبانو فعالیتونه ډېر شوي

خبریال وېب پاڼه/ د کندز د ولایتي شورا غړي او اوسېدونکي وایي، په لویو لارو د وسله والو طالبانو حضور خلک اندېښمن کړي او له دې امله خلک د سفر پر مهال له وېرې سره مخ وي.

د کندز اوسېدونکي وایي د طالبانو د حضور له امله د کندز د ولسوالیو لارې تړلې وې او طالبان د تخار کندز په لاره د خان آباد ولسوالۍ په چرخاب سیمه کې هر وخت لاره تړي او تالاشي کوي.

د کندز د ولایتي شورا غړي وايي طالبان د کندز ښار په څنډو کې آزادانه فعالیت کوي او حتی د برېښنا محصول له خلکو ټولوي.

دوی وایي طالبان له یوه کال را په دې خوا د کندزـ تخار لاره په بشپړ ډول په واک کې لري.

د کندز د ولایتي شورا غړی امین الله آیدین وایي، له یوه کال ډېره موده کیږي چې د تخارـ کندز لاره د حکومتي مامورینو پر مخ بنده ده او که حکومتي مامورین پر دغه لاره سفر وکړي طالبان یې نیسي او له ځان سره یې وړي.

د کندز امنیتي مسؤولین وایي د تېرو څو میاشتو په پرته امنیتي وضعیت ښه شوی او اوس یوازې د تخارـ کندز په لاره ځینې ستونزې شته.

د کندز امنیه قوماندان عبدالرشید بشیر وایي په دغه لاره څو ځلې چاڼیز عملیات شوي، خو دا چې نتیجه یې نه ده ورکړې نو اوس د عملیاتو پلان نه لري.

د کندز یو شمېر اوسېدونکي وایي طالبان د بغلان ـ کندز او کندزـ تخار په لاره د تالاشۍ ترڅنګ له موټرو محصول هم اخلي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More