خلیلزاد نن په ارګ کې دوه جلا لیدنې کړي

خبریال وېب پاڼه/ د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد کابل ته راغلی او د افغان سولې په اړه وروستي جزییات یې د افغانستان له ولسمشر اشرف غني سره ولیدل.

یاده لیدنه په ارګ کې ترسره شوه، په لیدنه کې د ولسمشرۍ ماڼۍ دواړو مرستیالانو، د ملي امنیت سلاکار، دېاقتصادي او سوداګریزو چارو پراختیا او د بېوزلۍ کمولو په چارو کې د ولسمشر ځانګړي استازي او د مصالحې عالي شورا رییس ډاکټر عبدالله عبدالله ګډون درلود.

دواړو خواوو د سولې بهیر لپاره د راتلونکو اقداماتو په اړه بحث وکړ او بین الافغاني خبرو وړاندې یې د اوربند پر ټینګښت خبرې وکړې.

د افغان سولې لپاره د امریکا ځانګړي استازي زلمي خلیلزاد ډاډ ورکړ، چې له طالب مشرانو سره به یاده موضوع مطرح کړي.

په یاده ناسته کې همدارنګه د دواړو لوریو د بندیانو د خوشې کولو په لړۍ خبرې وشوې، چې دواړه لوري دې د یو معقول میکانېزم چې د دواړو له لوري رامنځته او دواړو لوریو ته د منلو وړ وي، هوکړې ته ورسیږي.

دا په داسې حال کې ده چې د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د افغان سولې بهیر د پرمختګ لپاره سفرونه پیل کړي او په دې لړ کې یې د پاکستان، هند، افغانستان او قطر هېوادونو چازواکو سره لیدنې او خبرې وکړې.

خلیلزاد وایي، هڅه کوي د بین الافغاني خبرو لپاره پر نېټه ژر بحث وشي او د بین الافغاني خبرې ژر تر ژره پیل شي.

بل خوا پنټاګون وایي، طالبانو د سولې هوکړې له لاسلیک وروسته خپل بریدونه نه دي کم کړي او تاوتریخوالی یې زیات کړی.

په دې وروستیو ورځو کې د طالبانو له لوري پر ملکي او نظامي وګړو او تأسیساتو بریدونه زیات شوي او سخت تلفات یې اړولي دي.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy