کونړ کې ۱۱۰ سړې خوني جوړیږي

خبریال وېب پاڼه/ په کونړ ولایت کې د پیازو، الوګانو او سبزي جاتو د ساتنې لپاره ۱۱۰ سړو خونو جوړېدو چارې پيل شوې.

چارواکې وایي دغه خوني په مرکز او ولسوالیو کې دي او د دوه میاشتو په موده کې به يې کارونه بشپړ شي.

دوی وایي په دغې خونو شاوخوا ۶۰ میلیونه افغانۍ لګښت راځي او په جوړېدو سره به يې د بزګرانو حاصلات د ښه قیمت په موخه وساتل شي.

په کونړ ولایت کې په شاوخوا زر هکټاره ځمکه باندې سبزي جات کرل شوي دي.

په کونړ ولایت کې د پیازو، آلوګانو او سبزي جاتو د ساتنې لپاره صفر درجه سړي خونو جوړېدل پيل شول
چارواکې وایي په مرکز او ولسوالیو کې ۱۱۰ سړې خوني جوړیږي چې کارونه به يي په دوه میاشتو کې بشپړ شي.

د کونړ والي عبدالستارمیرزکوال وايي په دغې سړي خونو شاوخوا شپېته میلیونه افغانۍ لګښت راځي او په جوړېدو سره به يي د بزګرانو ستونزي حل شي.

چارواکې وايي په کونړ کې بزګران د موسمي سبزي جاتو د رسېدو له امله ډېر کله په زیان کې وو او د دغې خوني په جوړېدو سره به خپل رسېدلي حاصلات د څو میاشتو لپاره ذخیره کړي تر څو ښه قیمت وکړي.

بزګران د حکومت په دغې چارې خوښ دي او وایي ډېر کله به چې د دوی سبزي جات ورسېدل بازار به پاکستاني او ایراني سبزیو نیولی و او حاصلاتو به يي قیمت نه کولو
دوی وايي اوس کولای شي د دغې ذخیرو په جوړېدو سره خپل حاصلات ذخیره کړي او په بازار کې یې د کمښت پر مهال وپلوري.

چارواکې وايي په کونړ ولایت کې په شاوخوا زر هکټاره ځمکه سبزي جات کړل شوي چې یوازې د پیازو او الوګانو کلنی حاصل درې زره ټنو ته رسیږي.

د کونړ ولایت د کرنې رییس نجیب الله عادل وايي د دغې ذخیرو په جوړېدو سره به بزګران نور هم کوښښ وکړي چې په خپلو کروندو کې سبزي زیاته وکړي.

کونړ د ېیواد په ختیځ کې پروت هغه غرنی ولایت دی چې ډېره ابي ځمکه نه لري خو خلک يي د دهقانۍ سره اشنا دي او وايي که للمي ځمکو ته يي حکومت اوبه پورته کړي زراعت به يي نوره هم وده وکړي.