د ځلاځاځۍ ګمارنه د ایران د ظلم داستان او پر حکوت فشار ختموي‌

خبریال وېب پاڼهد افغانستان د ملي امنیت یوه لوړرتبه چارواکي خبریال وېبپاڼې ته وویل چې د خوست ولایت لپاره د جنايي جرمونو سره د مبارزې د پولیسو د مشرې موضوع ته په دې خاطر زیاته هوا ورکول شوې چې په ایران کې دافغان کډوالو سره د ظلم د داستان موضوع ختمه کړي .

ملي‌امنیت وايي چې د ایران په تړاو په افغانانو کې را پورته شوې غصه باید حکومت ختمه کړې وای .

په مليامنیت کې د خبریال ډاټ کام سرچینه وايي چې دغې ادارې ؛ امنیت شورا؛ ارګ او سپیدار پر خپلو فیس بوکې ټیمونو غږ کړی چې د ځلاځاځۍ خبره په خواله رسنیو کې غټه کړي .

د ملي‌امنیت سرچینه زیاتوي : «‌کله چې د هیواد په خواله رسنیو او ښارونو کې له افغانانو سره د شوي ناواسلوک په تړاو د ایران خلاف غږ را اوچت شو ؛ نو هم مهاله د همدغه غږ د چوپکولو په موخه د خوست ولایت لپاره د پولیس د یوې افسرې د ټاکلو موضوع پر خواله رسنیو را وټومبل شوه .

اصلآ د ځلا ځاځۍ ټاکنه د جنسیت یا وړتیا له مخې د بحث وړ ځکه نه ده چې تر ځلا وړاندې هم په دې هیواد کې ښځو‌پر لویو امنیتي څوکیو کار کړی دی او اوس یې هم کوي‌.

همداراز که څوک د ځلا پر وړتیا باندې نیوکه لري نو دې وطن کې خو د نالوستو پولیس افسرانو کمی نشته . ځلا خو لوستې ؛ په خبره پوهه مېرمن ده .

بله خبره داده چې ځلا ته کوم داسي‌ لویه څوکۍ ورکول شوې چې پر هغې دې غوغا رامنځ ته شي ؟»

د ښځو سره داډول حساسیت له یوه اړخه په نړۍ واله کچه د افغانستان انځور ته سخت زیان اړوي او له بله اړخه په داسي‌ مهمو وخت کې چې د ایران خلاف غږ هم مېرمنو را پورته کړی هغه آواز ته د چوپتیا یوه پیلامه ده .

خبریالان وايي چې  د ۳۳ نورو ولایتونو کې خبر یاست چې د جنايي جرمونو مدیران مو څوک دي‌؟‌

څومره جنايي پېښي په ولایتونو او کابل کې کېږي‌ او د څومره مخنیوی شونی دی ؟

ایا په (۳۴) ولایتونو کې یوه ښځینه مدیره نشو زغملای ؟
مسئله د ځلا ځاځۍ د ټاکنې نه ده بلکه ستونزه د ایرانيجاسوسانو ده چې دې موضوع ته هوا ورکوي‌او د ایران جنایت پټوي .

باید هغه کړۍ رسوا شي چې په ادارو کې دننه موجودې دي او دایران د ګټو لپاره کار کوي .

د ځلا ځاځۍ موضوع ددې دپاره په خواله رسنیو کې را څرخي چې پر حکومت د ایران په تړاو د فشار مخه ډب شي .

خلک وايي زموږ د حکومت په لوړو څوکیو کې له بده مرغه ایران پلوي او پاکستان پلوي ناست دي او هغوی داسي‌لوبې کوي .

د ځلا ځاځۍ تر ټاکنه د ایرانیانو له لوري‌له افغانانو سره شوی ظلم زیات مهم دی باید پاملرنه ورته وشي‌.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More