خالد- هیواد او ولس په خپلو امنیتي سرتېرو ویاړي
خبریال وېب پاڼه – دافغانستان ددفاع وزیر اسدالله خالد په لوګر ولایت کې د کمانډو ځواکونو او د پولیسو د (۳۰۳) قطعې سربازانو ته وویل چې هیواد او ولس ستاسو په سرښندنو ویاړي او دښمن مو سخت وارخطا کړی دی .
ددفاع وزیر اسدالله خالد یو ځل بیا غبرګه کړه چې د هیواد ټول امنیتي ساتونکې د سولي بهیر ته ژمن دي ؛ خو د خپل هیواد د ساتلو او دښمن ته د غاښ ماتونکي ځواب ورکولو توان لري .
نوموړيپر افغان امنیتي ځواکونو غږ وکړ چې اوس تر بل هر وخت ستاسوځواکمنتیا محسوسیږي او د پردیو په ایشاره جنګېدونکيدښمن ته ستاسو ځواک معلوم او روښانه دی .
خالد وویل چې د هیواد هر سرباز ددې خاورې اتل دی او موږ به یې همېشه ستاینه او پالنه کوو.
په لوګر کې د خبریال وېبپاڼې همکار وايي چې ددفاع وزیر اسدالله خالد د هغه ولایت له والي او نورو لوړرتبه مامورینو سره هم ولیدل .
د افغانستان ددفاع اوسنی وزیر تر بل هر وزیر زیات ولایتونو ته سفرونه کوياو تر ډېره بریده د افغان امنیتيساتونکو د موررال د پیاوړي کېدو او د هغوی د ستونرزو د اورو لو لپاره د هغوی پوستو او جزوتامونو ته ورځي .
نوموړی په دې مشهرو دی چې لږ وخت په وزارت او ډېر وخت په ولایتونو کې له عسکرو سره تېروي.
Comments are closed, but trackbacks and pingbacks are open.