د هند او چین له کړکېچ سره هممهاله پاکستان امنیتي ناسته کړې

خبریال وېب پاڼه/په داسې حال کې چې هند او چین یو د بل پر وړاندې په خپله ګډه پوله ماشه را پورته کړه او د هند شلو پوله ساتو ته یې مرګ ژوبله اړولې، د پاکستان د سمندري او نورو ځواکونو مشرانو امنیتي ناسته کړې ده.

وروسته له هغه چې د هند او چین پوله ساتو یو د بل پر وړاندې ماشه را پورته کړه او د هند ۲۰ پوله ساتي پکې ووژل شول، په ظاهره د پاکستان د دری ګونو ځواکونو مشرانو امنیتي ناسته کړې ده. شنونکي وایي پاکستان د هند او چین تر منځ له روان کړکېچ څخه هم خپله شومه استفاده کوي.

د پاکستانۍ ډان ورځې د راپور له مخې د کشمیر او نورو سیمه ییزو شخړو په هکله د پاکستان د دری واړو وسله والو ځواکونو د مشرانو یوه مهمه غونډه د دغه هېواد د څارګرې ادارې په مرکز کې شوې ده چې پکې د هند د کړنو په وړاندې د ای ایس ای په پلانونو او چمتووالي باندې خبرې اترې شوې دي.

له دغې غونډې وروسته د پاکستان د پوځ پخپل یو بیان کې ویلي چې پوځي مشرتابه ته په سیمه کې د سلامتۍ په ځانګړي توګه د کشمیر د ویشونکې پولې اؤ د هند تر واک لاندې کشمیر کې په وضعیت باندې خبرې اترې وشوې.

پاکستان په سیمه کې د ترهګرۍ په فعالیتونو کې ښکېل هېواد دی چې وخت ناوخت ورته د ګاونډیو هېوادونو او نړیوالې ټولنې لخوا د اعتراض ګوته نیول کېږي.

ډان ورځپاڼه وایي چې د ایس ایي مرکز ته د ټولو پوځی مشرانو ور ټولیدل یوه د انتظار خلاف ناسته ده. دوی زیاتوي چې داسې غونډې په ډېرو بدو او کړکیچونو حالاتو کې د پوځ د دنننیو خدماتو باوري کولو له پاره ډېرې اړینې وي.

ویل کېږي په دغه غونډه کې د دغه هېواد د ګډو ځواکونو د کمیټې مشر جنرال ندیم رضا، د پوځ مشر جنرال قمر جاوید باجوه، د سمندري ځواکونو مشر ایډمرل ظفر محمودعباسي، دهوایي ځواکونو مشر مارشل مجاهد انور خان اؤ د عمومي ځواکونو مشر جنرال شهیر شمشاد مرزا ګډون درلود.

په پاکستان کې یو شمېر څېړونکي وایي چې ګواکې هند خپل ځواکونه د پاکستان پر وړاندې عملیاتو له پاره چمتو کوي خو د پاکستان حکومتي او پوځي چارواکو په دې وروستیو کې څو کرته هند ته خبرداری ورکړی چې که د څه رقم تیري هڅه یې وکړه نو د پاکستان لخوا به هم ورته ځواب ورکړل شي.

دا په داسې حال کې ده چې په دې وروستیو کې د هند او پاکستان تر واک لاندې کشمیر کې کومه پېښه هم را منځته شوې نه ده.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum