هغه خواړه چې ستاسې جنسي ځواک ډېروي

خبریال وېب پاڼه/ په معاشرتي ژوند کې د جنسي اړیکو د بازار ګرمولو لپاره اړینه ده چې ځیني روغتیایي لارښوونې په پام کې ونیسو.

په معاشرتي ژوند کې د خوشالۍ یو لوی اصل دا دی چې طرفین له جنسي راکړې ورکړې راضي وي. دا چې ښځې څنګه معاشرت غواړي او نارینه په کومو خوړو سره خپل جنسي بازار ګرمولی شي، په دې لیکنه کې په تفصیل سره د هغو خوړو لارښوونې درته کېږي چې ستاسو جنسي ځواک ډېروي.

ځینې کسان په دې باور دي چې جنسي ستونزې ډېر کله د غذايي موادو د کمښت او یا د ځينو غذاو د نه خوړلو او یا کمو خوړلو له امله رامنځته کیږي، له دې امله یو شمېر معتبرو منابعو د هغو غداو په اړڅېړنې کړی چې خوړل یې د انسانانو د جنسي پیاوړتیا لامل ګرځي.

د غذایي موادو څېړونکو یو شمېر هغه غذايي مواد معرفي کړي چې خوړل یې د انسانانو د جنسي قوت زیاتېدو سره مرسته کوي.

1. صدف خواړه: دغه سمندري غذا زینک څخه ډکه ده، هغه منرال چې دجنسي سلامتیا لپاره ډېر مهم بلل کیږي، زینک په بدن کې د تستوستیرون هورمون په تولید کې مرسته کوي، دغه هورمون د جنسي پیاوړتیا سبب ګرځېدلی او همدارنګه د تایراید هورمونو په تولید کې چې د بدن انرژي تنظیم کوي هم مرسته کوي.
2. کنجدي: د انتي اکسیدانتي قوي خاصیت لري او تناسلي الو ته د وینې جریان په چټکۍ سره رسوي، دغه مشهوره غذايي دانه د فینول کیمیاوي ترکیبونو په لرلو سره انسان پر جوش او مست ساتي، ددې ترڅنګ کنجدي د هورمون او استروجن کیمیاوي موادو په لرلو سره د مکروب، ویروس او سرطان ضد خاصیت لري.

د تر سره شویو څېړنو له مخې کنجدي د شحمي او میګا۳ اسیدونو په لرلو سره د زړه، رګونو او شهوت د فعالیت ښه کېدو سبب ګرځي، کنجدي همدارنګه د ارجینین پروتین د ترکیب په لرلو سره د وینې جریان ښه کېدو سبب ګرځي او سپرم ښه ساتي. د یادونې وړ ده چې دغه مشهور سمندري خواړه له ډير وخت راپدېخوا د یاد تاثیر له امله زیات کارول کیږي.

د یادونې وړ ده چې پورتني خواړه سمندري دي او لاندې ذکر شوي هغه بیا د وچې مېوې دي:

• د انار دانه: له فینول پولي څخه ډکه ده، دا هغه کیمیاوي مواد دي چې د وینې د لوړ فشار، زړه ناروغیو او سکتې د خطر کمېدو لامل ګرځي، داسې انګېرل کیږي چې پولي فینولونه د ویني رګونو د استراحت لامل ګرځي او د وینې جریان کې د مغز، زړه او تناسلي الو ته د ښه کېدو سبب ګرځي.
• د انارو په دان کې د پولي فینول موجودیت د بدن د دفاعي سیستم د تقوې سبب ګرځي، او همدرانګه د مصروف کوونکو خُلق او طبعیت هم خوشاله ساتي، د انارو په دانو کې موجود ویټامینونه په ځانګړي ډول ویټامین سي د استرس کمېدو سبب ګرځي او جنسي مقامت قوي کوي.
• د کډو خسته: د زیات اندازې زینک، مګنیزیم، د وینې فشار ضد مغذیاتو په لرلو سره د زړه سلامتیا تضمینوي چې دا ټوله د انسان پر جنسي سلامتیا هم تاثیر کوي.

علمي څېړنو ښودلې چې د کډو په خسته کې د شحمي تېزاب او میګا۳ په موجودیت سره د زړه د سلامتیا، د یو شمېر نسايي تکلیفونو او د نارینوو د پروستات غدې په فعالیت کې هم ګټوره ثابته شوې ده.

• اوکادو: چې د تمساحي په نوم سره هم مشهوره ده، دغه مېوه له ویټامین «اي» څخه ډکه ده، د انتي اکسیدانتي قوي خاصیت لري د وینې رګونو په نرمولو، د زړه او رګونو ناروغیو د خطر په کمولو کې مرسته کوي.

همدارنګه په اوکادو کې د پتاشیم موجودیت د شهوت او جنسي قوت پیاوړي کېدو سبب ګرځي، د علمي موندنو له مهې اکادو کارول همدرنګه د سپرم د «ډي این، اې» د تخریب مخه هم نیسي.

خو غذايي څېړونکې سپارښتنه کوي چې اکادو دې خام یا اوم وخوړل شي، ځکه حرارت ورکول د هغه غذايي ارزښت کموي.

له دې سره سره چې د دغو غذاو خوړل دانسان د بدن په ځانګړي ډول د زړه او رګونو د سلامتۍ لپاره ګټور بلل شوي پوهان سپارښتنه کوي چې په خوړلو کې باید احتیاط وشي او زیات ونه خوړل شي، کیدای شي ځينې نورې ستونزې هم رامنځته کړي.