The news is by your side.

عاطف مشعل د بښنې وړ نه دى

خو اوس يو ځل بيا عاطف مشعل په دې هڅه کې دى، چې يوې خواته له پاکستان سره اړيکې جوړې کړي، بل خوا په پښتنو کې د پاکستان د پوځ بد شوى نوم بېرته ښه کړي.

په ډېره نادره توګه د پاکستاني پوځ وياند آصف غفور په ټويټر باندې په پښتو کې يو پوسټ کړى او د بنګله دېش پر وړاندې يې افغانستان ته مبارکي ويلې ده، چې دا ټويټ بيا د افغان کرکټ بورډ مشر عاطف مشعل او ځينو ملي لوبغاړو ريټويټ کړى دى، چې دا عمل هېڅ د بښلو نه دى.

په پاکستان کې له تېرو څو مياشتو راهيسې د پښتون ژغورنې غورځنګ لاريونونه روان دي، چې د پاکستان پوځ او استخباراتو يې د ځپلو لپاره هره هڅه وکړه، خو بريالي نه شول.

د پښتون ژغورنې غورځنګ شعار دى (له نجيبه تر نقيبه، حساب غواړو) او د هغوى په هره غونډه او لاريون کې د پاکستان د پوځ پر ضد شعارونه ورکول کېږي، چې د ترهګرۍ شاته د پاکستان پوځ او استخبارات ولاړ دي.عاطف مشعل (2)

همدا راز د ډېورنډ په کرغېړنه کرښه باندې د پاکستان پوځ لګيا دى تارونه غځوي.

له بلې خوا له تېرو څلوېښتو کلونو راهيسې پاکستان د افغانستان په ورانۍ کې لاس لرلى دى او اوس يې دا لاس تر دې حده پورې رسېدلى دى، چې ټول وسله وال د پاکستان له خوا حمايه کېږي او په افغانستان کې د هر پرمختګ مخه نيسي، همدا راز په ميليونونو افغانانو ته د پاکستان له لاسه مرګ ژوبله اوښتې ده، هېواد مو ټول کنډر شوى دى.

اوس نو د پاکستان پوځ هڅه کوي چې د پښتنو زړونه خپل او د دې لپاره په بېلا بېلو لارو کار کوي، همدا وجه ده چې په لومړي ځل باندې د پاکستان پوځ د افغانستان د بريا په تړاو په پښتو ژبه کې پوسټ وکړ او افغانانو ته يې مبارکي ورکړه.

خو د پاکستاني پوځ په دې کمپاين کې ورسره د افغانستان کرکټ بورډ مشر عاطف مشعل هم برخه واخيسته، تر څو په دې توګه وکولاى شي، د پاکستان او د پاکستان د پوځ پر وړاندې د پښتنو په زړونو کې مينه راپېدا نه کړي، نه يواځې عاطف مشعل بلکې محمد شهزاد او ځينو نورو لوبغاړو هم د پاکستان د پوځ وياند آصف غفور دغه ټويټ ريټويټ کړ.عاطف مشعل (1)

که چېرته د سياست يا ډيپلوميسۍ خبره شي، نو پکار خو دا وه چې د دفاع وزارت وياند آصف غفور ته بېرته ځواب ورکړى واى، ځکه دا به د پوځ د پوځ سره ډپلوميټيک اړيکې واى، خو دلته خو اصل مسئله بله ده، عاطف مشعل په دې کار سره وښودله، چې هغه اوس هم په دې هڅه کې دى، چې پاکستان ته ځان نږدې کړي.

کله چې عاطف مشعل پوه شو، چې په دې کار يې ولس سختې نيوکې کړي دي، نو لږ ساعت وروسته يې پوسټ له خپل وال څخه ړنګ کړ.

که تاسو ته ياد وي، څه موده مخکې عاطف مشعل د پاکستان په لاهور ښار کې د پاکستان کرکټ بورډ له مشر سره ليدلي و، له هغه سره يې يو شمېر تړونونه لاسليک کړي ول، چې پکې تر دې پورې ول چې په پاکستان کې به افغان ملي لوبغاړو ته روزنه ورکول کېږي او همدا راز پاکستان به يو لوبغالى هم افغانستان ته ورکوي، تر څو خپلې کورنۍ لوبې پکې ترسره کړي.

په داسې حال کې چې په پاکستان کې نړيوال کرکټ مړ دى، هېڅ نړيواله لوبډله پاکستان ته نه راځي، د پاکستان ټول لوبغاړي د کرکټ د نشتوالي له امله تش مېدانونه دي، د افغانستان کرکټ بورډ مشر ورځي او د افغان لوبډلې برخليک د پاکستان په لاس کې ورکوي.

کله چې ولس له دې خبرې خبر شو، نو پر عاطف مشعل سختې نيوکې وشوې، چې همدا لامل و چې نوموړى له خپلو ژمنو تېر شو او وې ويل چې پاکستان سره يې هېڅ تړون نه دى لاسليک کړى.عاطف مشعل (3)

خو اوس يو ځل بيا عاطف مشعل په دې هڅه کې دى، چې يوې خواته له پاکستان سره اړيکې جوړې کړي، بل خوا په پښتنو کې د پاکستان د پوځ بد شوى نوم بېرته ښه کړي.

د عاطف مشعل د ريټويټ په ځواب کې د پاکستان د پوځ وياند آصف غفور عاطف مشعل ته وليکل، چې هر کله راشئ قدرمن مشره! موږ دوه نيزدې ګاونډي وروڼه يو او د دهشتګردۍ د شريک خطر او شر سره مشترکه جګړه کوو، موږ اميد لرو چې د افغانستان بهادر ولس امن کې ژوند وکړي، شرخوښي عناصر خپلو اراد کې ناکام شي………

نو بايد دا پوښتنه وشي، چې عاطف مشعل په کوم حېثيت د پاکستان د پوځ سره په ټويټر باندې دا ډول خبرې کوي؟

کله چې خبره ملي ګټو ته راشي، بيا هېڅوک د بښنې وړ نه دى، همدا راز عاطف مشعل او نورو لوبغاړو چې کوم کار کړى دى، دا هېڅ د بښلو وړ نه دى.

زموږ له ولسمشر څخه غوښتنه ده، چې بايد دا مسئله وڅېړي او پرې نه ږدي چې زموږ د کرکټ بورډ اداره او ملي لوبډله، چې د ټول ولس زړونه ورسره تړلي دي، د خاينينو په لاس کې وي او د دښمن هېوادونو سره د اړيکو جوړولو هڅې کوي.

موږ غواړو چې دا خلک دې نور له کرکټ بورډ څخه وايستل شي، که داسې ونه شي، ولس به يې پر وړاندې ودرېږي او بيا به د ولس مخه هېڅوک نه شي نيولاى.

ليکوال : محمد نعمان لېوال