The news is by your side.

طالبانو د پټو خبرو جریان رد کړ

تېره ورځ په افغانستان کې د ناټو ملکي استازي کارلوس زمېرمن ویلي وو، چې له طالبانو سره د سولې پټې خبرې روانې دي او ښايي مثبتې پایلې ولري. خو طالبانو د یوې خبرپاڼې په خپرولو سره د نوموړي دغه ادعا رد کړې ده او وايي څو ورځې وړاندې جان نیکولسن هم ورته بې بنسټه ادعا کړې وه. په خبرپاڼه کې راغلي، چې د سولې د خبرو د پیل لپاره د طالبانو ستر شرط د بهرنیو ځواکونو وتل دي او دوی پر خپله دغه خبر ټینګار کوي. وسله والو طالبانو همدا راز ویلي چې له افغان حکومت سره به د سولې هېڅ ډول پټې خبرې و نه کړي او په وینا یې په دې تړاو خپرېدونکي خبرونه بې بنسټه دي.