د غزني بیا ځلې سقوط لپاره درې ډلې یوځای شوي

خبریال وېب پاڼه/ د غزني پر ښار د برید ګواښ جدي کېدل!

غزني کې طالبان داعش، القاعده او جیش محمد شبکو ګډو فعالیتونو ته زور ورکړی.

امنیتي چارواکي وايي، له نورو ترهګریزو ډلو سره د طالبانو اړیکه هېڅکله پرې شوې نه ده او په دې وروستیو کې یې تحرکات زیات شوي دي.

غزني ولایت کې پوځي قوماندانان وایي د دوی اطلاعات ښیې چې د طالبانو، داعش، جیش محمد ډلو او د القاعده شبکې فعالیتونه په غزني تر لاس لاندې لري.

د دغه چارواکو په خبره له نورو ترهګرو ډلو سره د طالبانو اړیکې اوس هم شته او په اوسنیو شرایطو کې د بل هر وخت په پرتله سره نږدې شوي دي.

ښکاره طالبانو بیا د غزني ښار دویم ځلي سقوط له پاره برنامه تر لاسه لاندې نیولې ده.

هغه برنامې چې داعش جیش محمد او القاعده ډلې هم د طالبانو پوځي قومندانونو سره په دې برخه کې مرسته کوي.

په غزني ولایت کې پوځي قوماندانان وايي چې د دوی معلومات ښکاره کوي چې دا درې واړه ډلې یو بل سره همغږۍ پر بنسټ د غزني ښار سقوط له پاره کار کوي.

په ورته وخت کې بیا ځینې سیمه اییز او پوځي قومندانان د غزني ولایت امنیتې ارزونې په موخه مقر او جاغوري ولسوالیو اوسېدونکو ته وايي هېڅکله به دا ولسوالۍ سقوط ونه کړي.

دا چارواکي اوسېدونکو سره ژمنه کوي چې د دې دوه ولسوالیو امنیت خوندي کولو په برخه کې به جدي ګامونه ترسره کړي.

خو د غزني اوسیدونکي بیا د امنیت نشتون په اړه د امنیتي چارواکو خبرو ته د شک په سترګه ګوري.

په غزني ولایت کې د امنیتي وضعیت خراب والی انديښنې په داسې حال کې ډېریږي چې څه موده وړاندې د ملي امنیت پخواني مشر رحمت الله نبیل ویلي وو چې طالبان د نورو ترهګریزو ډلو سره یوځای نیت لري چې غزني ولایت یو ځل بیا سقوط ورکړي.

دا په داسې حال کې ده چې افغان حکومت او طالبان اوس مهال سولې ته د رسېدو او بین الافغاني مذاکراتو پیلېدو په درشل کې دي، خو په دغه مهال کې د طالبانو او افغان حکومت جګړه سخته شوې، چې په وروستیو څو ورځو کې طالبانو ته درانه تلفات اوښتي.

د طالبانو له لوري تاوتریخوالی لا د پخوا په پرتله زیات شوی، چې دا د امریکا او طالبانو تر منځ د فبروري د ٢٢مې د سولې د هوکړې د یو بند نقض دی.

تازه افغان حکومت د افغان سولې لپاره د سیمه اییزې او نړیوالې اجماع د پیاوړتیا په هڅو کې دی، چې په دې تړاو یې پرون له نږدې ٢٠ هېوادونو او نړیوالو سازمانونو سره ګډ کنفرانس درلود او نن یې د بیجېنګ او اسلام اباد سره لري، له دې کنفرانسونو یې موخه د افغان سولې لپاره د سیمې او نړۍ هېوادونو همکاري او بین الافغاني مذاکراتو ژر پیل دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More