ټرمپ د واک له پيله تراوسه د دروغو ستر رېکارډ جوړ کړ

خبریال وېب پاڼه/ د امریکا متحده ایالت یو شمیر رسنۍ وایي ،چې ولسمشر ډونالډ ټرمپ د واک له پيله تردې دمه څه باندې ۲۰ زره کرته دروغ ویلي او تېراېستونکې ژمنې یې کړې دي.

د امریکایي رسنیو د راپورونو له مخې ولسمشر ډونالډ ټرمپ د واک له پيله تر دې دمه دا دروغ د نړیوالو او کورنیو مهمو مسایلو په اړه ویلې دي او د دروغو ژمنې یې کړې دي.

امریکایي رسنۍ وایي ټرمپ یواځې د کورونا ویروس د پراختیا اړوند ۱۲۰۰ ځلې دروغ ویلي او دروغي ژمنې یې کړې دي.

سرچینې زیاتوي، چې دې سره ټرمپ په اوسط ډول هره ورځ کې ۲۷ ځله د امریکا او نړۍ د مسایلو په اړه دروغ ویلي.

رسنۍ وایي هغه د خپل واک په لومړیو سلو ورځو کې د مهمو مسایلو په تړاو د خلکو د تېر ایستلو او غولونې لپاره ۴۹۲ ځلې دروغ ویلي او خلک یې غولولي دي.

امریکایي رسنۍ وایي هغه د واک په لومړیو ورځو کې په اوسط ډول هره ورځ نږدې پنځه دروغي ژمنې کړې دي.

ټرمپ په نړۍ کې هغه ولسمشر ګڼل کېږي، چې د حقایقو له ارزولو پرته له خپلې کوټې د مهمو مسایلو په اړه له خپله ځان ټوېټ پیغامونه خپروي.

امریکایي شنونکي بیا ولسمشر ټرمپ امریکا متحده ایالت لپاره درد سر بولي.

دوی وایي ټرمپ په ټوله کې د امریکا متحده ایالت ته د ګټې پر ځای زیانونه ډیر اړولې دي او امریکا یې له ټولې نړۍ سره لاس او ګریوال کړی دی.

د ولسمشر ټرمپ او په امریکا متحده ایالت کې د میشتو قومونو مشرانو او سیاستو ترمنځ وخت ناوخته ناندرۍ روانې وي او پر یو بل سخت تورونه لګوي.

امریکایي عام خلک هم ډیری د ټرمپ له پریکړو نا خوښي دي او وايي ډیری وخت یې د دوی پر زیان پریکړې کړې دي او د بل هيچا نه اوري.

ولسمشر ټرمپ د افغانستان په اړه هم له دې وړاندې دروغي ژمنې کړې دي او وروسته یې عملې کړې نه دي.

یو شمیر د نظر خاوندان بیا د ټرمپ ولسمشرۍ ناکامه ځکه بولي چې د دوی په خبره پریکړې یې له احساساتو ډکې وې او امریکایي له نړۍ سره په جګړه کړه.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More