پاکستاني ‌پوځیان دونیم کیلومتره تر ډیورنډ راواوښتل

خبریال وېبپاڼه – پاکستاني پوځیان دونیم کیلومتره په ننګرهار ولایت کې تر ډیورنډ کرښه را اوښتي دي .

پاکستاني ‌پوځ د ننګرهار ولایت د دوربابا ولسوالي د څڅوبي‌ زرۍ سیمې ته ځان رسولی او د ډیورنډ کرښې دې غاړه دافغانستان لورته  یې د اوبو په مهارولو او د قیمتي‌ډبرو په کیندلو لاس پوري‌کړی دی .

د ننګرهار د دور بابا ولسوالي‌ ګڼو اوسېدونکو خبریال وېیب پاڼې ته وویل چې پوځیانو هغه اوبه مهار کړې او د ډیورنډ‌ کرښې هغه بل لورته اړولې دي چې د موجوده افغانستان په خاوره کې بهیږي‌او ددغه هیواد ملکیت دی .

هم داراز پاکستاني پوځیانو د ننګرهار د دور بابا ولسوالي د څڅوبي‌

په زرۍ سیمه کې ژورې کېندنې پیل کړې دي .‌

د دور بابا ولسوالي یوه اوسېدونکي‌ تاج محمد په ننګرهار کې د خبریال وېب پاڼې همکار ته ویلي‌ چې پخوانی والي شامحمود په دغه موضوع خبر وو خو هغه هیڅ اقدام ونه شو کړای .

د ننګرهار ولایت د ملي‌امنیت یوې سرچینې خبریال وېب پاڼې ته وویل چې یاده موضوع یې تر کابله رسولې خو کابل پر دا خبره پټه خوله دی .

د دښمن هیواد پاکستان له لوري ‌د دا ډول سپین سترګي عمل په وړاندي‌لا هم د پلازمېني ‌کابل چارواکي پټه خوله دي . ‌

که څه هم د افغانستان له حکومته د پاکستان په وړاندي ‌د اودرېدلو امید بې ګټې دی؛ خو خلک غوښتنه کوي چې افغان چارواکي ‌دي د خپلې خاورې او خلکو دفاع وکړي .

د افغانستان ډېری وګړي د افغان چارواکو چوپتیا ته په پام سره داسي‌انګېري چې ګوا کې د اشرف غني‌ حکومت په پا کستان سره پر ډویرنډ کرښه معمیله کړې او اوس پآکستان ته د ځواب ویلو لپاره څه نه لري .

پاکستاني پوځ په داسي‌ وخت کې په ننګرهار کې د اوبو د مهارولو او د کانونو او قیمتي ډبلو په ایستلو لاس پوري‌کړی چې بل لورته یې د خلکو د پام اړولو په موخه پر کنړ ولایت په پرله پسې ډول د توغندیو بریدونه وکړل .

د ښمن هیواد پاکستان له تېرو (۴۰) کلونو په افغانستان کې کورنۍ جګړې ته لمن وهي او تر بل هر وخت یې اوس زیات دا چاره ګړندۍ کړې ده .‌

دافغانستان ولس په دې باور دی چې که چېرته اوس هم اشرف غني نور پټه خوله پاتې شي ؛ ښايي ‌په ولس کې نسبي پاتې محبوبیت لا نور کمزوری او ولس یوه پاڅون ته مجبوره شي‌.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More