د دور بابا ولسوال د پاکستان په بغاوت له دندې ګوښه شو

خبریال وېب پاڼه/څو ورځې وړاندې د ننګرهار د دور بابا ولسوال په دغه ولسوالۍ کې د پاکستاني له وړاندې راتګ خبر ورکړ او ویې ویل چې په دغه سیمه کې یې نوي تاسیسات پیل کړي دي.

د ننګرهار په دور بابا ولسوالۍ کې د پاکستاني ملېشو د وړاندې راتګ خبر له اوچتولو سره حکومت د دغې ولسوالۍ ولسوال له دندې ګوښه کړی دی.

له سیمې څخه په راغلیو معلوماتو کې راغلي چې د دور بابا ولسوال ته ورته له هغه د ولایت له ادارې څخه د نوموړي د ګوښه کېدو لپاره زنګ ووهل شو چې نوموړي په دغه سیمه کې د پاکستاني ملېشو د وړاندې راتګ خبر رسنیز کړ او شکایت یې وکړ چې حکومت دې مداخله وکړي.

ویل کېږي دور بابا ته را مخکې شوي پاکستاني پوځیان د قېمتي ډبرو په را ویستلو بوخت دي خو مرکزي حکومت پر چوپتیا غوره کړې ده.

په ورته وخت کې خبریال ته رسېدلي معلومات ښیي چې پاکستاني ‌پوځ د ننګرهار ولایت د دوربابا ولسوالي د څڅوبي‌ زرۍ سیمې ته ځان رسولی او د ډیورنډ کرښې دې غاړه دافغانستان لور ته  یې د اوبو په مهارولو او د قیمتي ‌ډبرو په کیندلو لاس پورې ‌کړی دی .

د ننګرهار د دور بابا ولسوالي‌ ګڼو اوسېدونکو خبریال وېیب پاڼې ته وویل چې پوځیانو هغه اوبه مهار کړې او د ډیورنډ‌ کرښې هغه بل لورته اړولې دي چې د موجوده افغانستان په خاوره کې بهیږي ‌او ددغه هیواد ملکیت دی .

دغه راز پاکستاني پوځیانو د ننګرهار د دور بابا ولسوالي د څڅوبي‌ په زرۍ سیمه کې ژورې کېندنې پیل کړې دي .‌

د دور بابا ولسوالي یوه اوسېدونکي‌ تاج محمد په ننګرهار کې د خبریال وېب پاڼې همکار ته ویلي‌ چې پخوانی والي شامحمود په دغه موضوع خبر وو خو هغه هیڅ اقدام ونه شو کړای .

د ننګرهار ولایت د ملي‌امنیت یوې سرچینې خبریال وېب پاڼې ته وویل چې یاده موضوع یې تر کابله رسولې خو کابل پر دا خبره پټه خوله دی .

د دښمن هیواد پاکستان له لوري ‌د دا ډول سپین سترګي عمل په وړاندي‌لا هم د پلازمېني ‌کابل چارواکي پټه خوله دي . ‌

که څه هم د افغانستان له حکومته د پاکستان په وړاندي ‌د ودرېدلو امید بې ګټې دی؛ خو خلک غوښتنه کوي چې افغان چارواکي ‌دي د خپلې خاورې او خلکو دفاع وکړي.

د افغانستان ډېری وګړي د افغان چارواکو چوپتیا ته په پام سره داسي‌انګېري چې ګوا کې د اشرف غني‌ حکومت په پا کستان سره پر ډویرنډ کرښه معامله کړې او اوس پآکستان ته د ځواب ویلو لپاره څه نه لري .

تر اوسه حکومت په دې هکله کوم وضاحت وړاندې کړی نه دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More