د هوایي دهلیز له لارې د غالیو صادرات دریدلي

خبریال وېب پاڼه/ د غالیو تولیدي او صادراتي ټولنه وايي، چې هوایي دهلیز د تازه میوې لپاره ځانګړی شوی او د غالیو د صادراتو بهیر یې درېدلی دی.

دوی وایي اوسمهال د هوایي دهلیز له لارې د غالیو صادرات په ټپه درېدلي دي.

د غالیو تولیدي او صادراتي ټولنې مسولین زیاتوي، چې په اروپا او امریکا کې د هیواد د غالیو بازار ښه شوی دی خوپه خبره یې، چې د میوې فصل رارسېدو سره د هوایي دهلیز له لارې دغالیو لیږد ځنډیدلی دی.

د سوداګرۍ او پانګونې خونې د شمېرو له مخې، چې د قرنطین محدودیتونو له کمېدو وروسته تر دامهاله د ځمکې او هوا له لارې ۱۰ زره متر مربع غالۍ له هیواده بهر ته صادر شوي دي.

د غالیو صادراتي او تولیدي ټولنه وایي تازه د هوايي دهلیز لاره اروپا ته د افغاني غالیو د صاداراتو په مخ باندې تړل شوې ده، چې ډیرې ستونزې یې را ولاړې کړې دي.

د یادې ټولنې په خبره اوس دا دهلیز یواځې د هېواد د تازه میوې صادراتو ته ځانګړی شوی دی.

دا ټولنه ټینګار کوي که په اونۍ کې یو پرواز هم د غالیو صادراتو ته ځانګړی شي نو د دوی ستونزې به ورسره حل شي.

په هېواد کې د غالیو صادروونکي شرکتونه وايي، چې اروپايي هیوادونو ته،هر شرکت له  څلور زره متره مربع څخه زیات صادارت لري.

د دوی به خبره د لارو تړل کیدو له امله غالۍ په دې کارخانو کې زیاتې شوي دي.

د یادو شرکتونو مسولین وايي له اتلسو کلونو راپدیخوا د غالیو ظرافت کارۍ په برخه کې کار کوي او کار یې پاکستان کې زده کړی دی.

د قرنطین څخه وروسته د هېواد صادراتو په مخ باندې هوايي دهلیز پرانیستلو سره افغانستان لس زره مترمربع غالۍ بهر ته صادر کړي دي.

د سوداګرو په باور که چیرې د امریکا بازار د هوايي دهلیز له لارې د افغانستان غالیوصادراتو له پاره پرانیستل شي غالۍ به څو برابره زیاتوالی ومومي.

په افغانستان کې د غالیو صنعت پخوانۍ مخینه لري دهېواد شمال او مرکزي سیمو اوسیدونکي د میرمنو په ګډون د غالیو په اوبدلو باندې بوخت دي.

خو اوس بیا د افغانستان د غالیو ډیری برخه په خامه توګه پاکستان ته استول کیږي او د اوبدلو او منځولو څخه وروسته بیا د پاکستان په نوم بهر ته استول کیږي.

تازه پاکستان هیله ښودلې، چې له افغانستان سره یې سوداګري بیاځلې ډیره وده وکړي.

د افغانستان لپاره د پاکستان ځانګړي استازي محمد صادق په یوه تازه ټوېټ پیغام کې ویلي، چې د کورونا ویروس پراختیا د افغانستان او پاکستان ترمنځ سوداګري او په بندرونو کې تګ راتګ زیانمن کړی دی. صادق زیاته کړې،هیله لري چې د کورونا ویروس دویمه څپه خپره نشي او په دې توګه دغه بندرونه بیا ځلې زیان ونه ویني.

افغانستان لپاره د پاکستان ځانګړی استازی محمد صادق وایي، تمه لري، چې د دواړو هېوادونو ترمنځ سوداګري بېرته وده وکړي او اړیکې یې هم ښې او پیاوړې شي.

د کورونا ویروس له امله د افغانستان او پاکستان ترمنځ سوداګري ډیره زیانمنه شوه او سوداګرو سخت زیانونه ولیدل.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More