پکتیا ته د طالبانو پر ځای پاکستانیان د جګړې لپاره راغلي

خبریال وېب پاڼه/ د افغانستان په پکتیا ولایت کې طالبانو وسلې اېښي او پر ځای یې د پاکستان له لوري پنجابیان، قبایلي ځوانان، چیچنایان او عربان د جګړې لپاره راغلي دي او په جنوب ختیځه حوزه کې یې د خلکو په ځورونو او حکومت ضد کړنو ته لاس ور اچولی.

دا په داسې حال کې ده، چې د فبروري په ٢٩ مه د امریکا او طالبانو تر منځ هوکړه لاسلیک شوه او له طالبانو له نورو ډلو سره د اړیکو پرې کولو ژمنه واخیستل شوه.

خو طالبانو دا ژمنه نه ده پوره کړې، پکتیا ته د طالبانو او پاکستان په مرسته نور بهرني جنګیالي راغلي او د طالبانو برخه جګړه هم پر مخ وړي.

د پکتیا ولایتي شورا وایي، چې ښکاري د طالبانو په لیکو کې د افغانانو فعالیت کمزوری شوی او په پکتیا کې هم له جګړې ستړو طالبانو وسلې اېښي او عادي ژوند ته ګرځېدلي دي.

خو اوس پاکستان چې د ترهګرو ډلو لوی روزونکی او ملاتړی هېواد دی، غواړي دا تشه په نورو بهرنیانو ډکه کړې.

د یادونې وړ ده چې د افغان امنیتي ځواکونو او ترهګرو تر منځ په وروستیو نښتو کې له زیات شمېر جنګیالیو د پاکستان پېژند پاڼې لاسته راغلي.

د پکتیا ولایتي شورا غړي وایي، چې نور نه غواړي د طالب په نوم د پنجاب جګړه مخ ته ولاړه شي او په منځ کې افغانان او افغان امنیتي ځواکونه ووژل شي، د سولې هڅې اغېزمنې شي، حکومت باید د افغان او بهرنیو طالب وسله والو ترمنځ توپیر وکړي او د ټولو پر وړاندې یو ډول دفاعي حالت بدل کړي.

دوی وایي، د ولسوالیو سره نږدې د طالبانو مرکزونو خلکو ته اندېښنې ور اچولي او هره شېبه یو نا معلوم برخلیک محسوسوي.

د پکتیا ولایتي شورا پر حکومت غږ کوي، چې له امریکا دې وغواړي، څو پر طالبانو فشار راوړي د القاعده او نورو ترهګرو ډلو سره د اړیکو په پرېکون ژمن پاتې شي چې د بهرنیو له خوا روانه جګړه ودریږي.

اوس مهال په افغانستان کې ٨٠ سلنه بهرني طالبان دي چې د د نورو ترهګرو ډلو پورې اړوند دي، د ٢٠ سلنه افغان طالبانو له ؤلې ١٥ سلنه هغه طالبان دي چې کورنۍ په پاکستان اوسیږي او ٥ سلنه هغه کورني طالبان دي چې د کرښې ها غاړې د جګړې لپاره روزل کیږي، له جګړې ستړې دي خو د پاکستان له وېرې له لیکو تېښته نه شي کولی.

په ورته مهال نن بیا افغان حکومت د درنو جرمونو له ٦٠٠ طالب بیاندیانو یې ٥٠ ازاد کړل، په داسې حال کې چې خپله حکومت او نړیوالې ټولنې د داسې بندیانو له خوشې کولو سره مخالفت ښودلی وو.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More