The news is by your side.

په اوربند کې ښارونو ته د طالبانو د ننوتو په اړه د خلکو اندېښني

که څه هم ملي وحدت حکومت دروځي د ۲۷ تر تېري ورځې پوري د وسله والو طالبانو سره اوربند اعلان کړي وو ، او طالبان بیا د اختر دري ورځي اوربند اعلان کړي وو چې په دغه ورځو کې ګڼ شمیر طالبان د پلازمیني په ګډون ګڼو ښارونو ته ننوتل او د افغان سرتیرو او چارواکو سره يي ګډي غونډي ، محفلونه وکړل او له يوه بل سره يي انځورونه هم واخستل

د طالبانو دغه چاره ولسونو هم استقبال کړه او د ګلونو ګيډۍ يي په ځينو ځايونو کې په غاړو کې ورواچولي ، خلکو دا ګمان کاوه چې ګواکې طالبان به سوله وکړي ، خو د دری ورځني اوربند وروسته طالبانو اوربند مات کړ او په جګړو يي پایل وکړ

اوس ولسي خلک اندېښمني دي چې په ښارونو ته د طالب جنګیالیو داخلیدل او پاتي کيدل ، يو لوي ګواښ کيدلاي شي ، په دي اړه د فرید په نوم د ننګرهار ولایت یو تن اوسیدونکي خبریال ډاټ کام ته وویل (( دا چې طالبان تل بریدونه کوي ، دا ویره خلکو سره شته داسي نه چې په دي ښارونو کې دننه دا طالبان دیره شوي وي او اوس بریدونو ته زور ورنه کړي ))

احمد شکیل هم همدا ډول ویره لري او له حکومته غواړي چې په لویو ښارونو کې دي د اوربند د ماتیدو وروسته د وسله والو طالبانو په لټه کې چاڼیزعملیات پیل کړي

دا په داسي حل کې ده چې تېره ورځ ولسمشر محمد اشرف غني د يوه ويډيو کانفرانس په ترڅ کې د طالبانو سره یو طرفه اوربند مات کړ او افغان ځواکونو ته يي د طالبانو پرضد دعملیاتو د ترسره کیدو اجازه ورکړه

بله خوا د ملي دفاع وزارت چارواکي ولسونو ته ډاډ ورکوي او زیاتوي چې دوي د اختر په ورځو  کې پلازميني او ولایتو ته داخل شوي طالبانو لیست بندي کړي چې ګڼو يي له جنګه لاس اخستي .

د ملي دفاع وزارت سرپرست ویاند جنرال محمد رادمنش وايي امنیتي ځواکونه له پلازمېنې او ولاياتو دفاع ته بشپړ چمتووالی لري.