تېره اونۍ د لسګونه طالبانو جنازې پاکستان ته تللي

خبریال وېب پاڼه/ پاکستان هېواد کې فعالان وایي، د افغانستان په جګړه کې وژل شوي جنګیالي پاکستان ته راوړل کیږي.

د بشر حقونو فعاله پښتنه ګلالۍ اسماعیل وایي، د افغانستان په جګړه کې د وژل شویو طالبانو جسدونه پاکستان را روان دي.

نوموړې ویلي، د تېرې جمعې پر ورځ خیبر پښتونخوا ته د افغانستان په جګړه کې د وژل شویو طالبانو ١٥ جسدونه او وزیرستان ته ٨ جسدونه ور وړل شوي، دا ټول د افغان امنیتي ځواکونو سره په جګړه کې وژل شوي دي.

په ورته توګه د پښتون ژغورنې غورځنګ فعال او مخکښ غړی علي وزیر هم د افغانستان په جګړه کې د پاکستانیانو جنګېدل تأییدوي او وایي، چې د افغان ځواکونو سره په جګړه کې وژل شوي کسان پاکستانیان دي او دلته یې جسدونه را روان دي.

علي وزیر وایي، د پاکستان د انسان وژنې پر پالیسۍ نیوکه کوي او له روڼ اندو پاکستانیانو غواړي چې د خپل حکومت پر پالیسیو دې غور وکړي او د پاکستان انسان وژونکي ریاست پسې دې راپورته شي.

دا په داسې حال کې ده چې د افغان سولې خبرو ته پهنزدې کېدو او د بندیانو د خوشې کولو په درشل کې اوس د پاکستان استخبارات د طالب په نوم د طالب پر ځای د جګړې لپارا بهرنیان را لیږي.

په دې وروستیو کې له افغان ځواکونو سره چې په جګړه کې څومره طالبان وژل کوي د زیات شمېر وژل شویو سره د پاکستان پېژ پاڼې وې.

په ورته مهال د پکتیا ولایتي شوره وایي، چې پکتیا ته د طالبانو پر ځای د پاکستان له لوري، قبایلي ځوانان، پنجابیان، عربان، چیچنایان او نور بهرني ترهګر د جګړې لپاره راغلي، چې د خلکو پر ځورونو او حکومت ضد کړنو یې لاس پورې کړی.

د پکتیا ولایتي شورا وایي، چې ښکاري د طالبانو په لیکو کې د افغانانو فعالیت کمزوری شوی او په پکتیا کې هم له جګړې ستړو طالبانو وسلې اېښي او عادي ژوند ته ګرځېدلي دي.

خو اوس د پاکستان چې د ترهګرو ډلو لوی روزونکی او ملاتړی هېواد دی، غواړي دا تشه په نورو بهرنیو جنګیالیو ډکه کړې.

اوس مهال په افغانستان کې ٨٠ سلنه بهرني طالبان دي چې د نورو ترهګرو ډلو پورې اړوند دي، د ٢٠ سلنه افغان طالبانو له ؤلې ١٥ سلنه هغه طالبان دي چې کورنۍ په پاکستان اوسیږي او ٥ سلنه هغه کورني طالبان دي چې د کرښې ها غاړې د جګړې لپاره روزل کیږي، له جګړې ستړې دي خو د پاکستان له وېرې له لیکو تېښته نه شي کولی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum