کور پاڼه / خبرونه / ننګرهار کې د اداري فساد پر وړاندې مبارزه کې د علماو رول تر سرليک لاندې کنفرانس

ننګرهار کې د اداري فساد پر وړاندې مبارزه کې د علماو رول تر سرليک لاندې کنفرانس

په ننګرهار ولایت کې د اداري فساد پر وړاندې مبارزه کې د علماو رول تر سرليک لاندې يو ورځنی کنفرانس ترسره شو.

دغه ګډ مطبوعاتي کنفرانس ، چې د جلال اباد ښاروالۍ په ميلمستون کې جوړ شوی و پرمهال يې

د ننګرهار استيناف څارنوالۍ ريئس خالد احمد اوريا وويل ، د جرمونو زياتوالی او اداري فساد زموږ ټولنه له بدبختيو سره مخ کوي . نوموړي له ځوانانو او قومي مخورو وغوښتل چې د جرمونو او فساد په مخنيوي کې ورسره مرسته او همکاري وکړي .

اوريا همدا راز د ننکرهار محبس له مسولينو غوښتنه وکړه چې ديني عالمانو ته زمينه برابره کړي ، چې په محبس کې زندانيانو ته وينا وکړي څو زندانيان پوه شي او په راتلونکي کې له ناوړه کړنو لاس واخلي.

نوموړي په ورته وخت کې له علماوو او مدني ټولنو هم وغوښتل ،چې دولتي ادارو سره خپله همکاري لا زياته کړي ،څو د جرمونو کچه راټيټه شي.

مولوي حميدالله شينواري بيا له خصوصي رسنيو غوښتنه وکړه چې هغه سريالونه دې نه خپروي چې اسلام مبارک دين او زموږ له فرهنګ سره په ټکر کې دي د هغه په بارو ډيری جرمونه د همدې سريالونو له ليدنې څخه رامنځته کيږي.

د ننګرهار استناف محکمې ريئس عبدالولي قاضي زاده وويل: فساد يوه ناوړه پديده ده چې نظام له ګواښ سره مخ کوي او پر وړاندې يې ستونزې را ولاړوي.

قاضي زاده له ولسونو وغوښتل ، چې د فساد په له منځه وړلو کې له دولت سره پوره همکاري وکړي.

د ننګرهار امنيې قوماندان لوی پاسوال عبدالرحمن رحيمي ولسونو ته ډاډ ورکړ چې د فساد په مخنيوي کې به د پخوا په څير هلې ځلې وکړي ، څو ټولنه د فساد له نوم څخه خلاصه کړي. نوموړي همدا راز د ننکرهار له ولسونو مننه وکړه چې تل يې د امنيت په ټينګښت کې امنيتي ځواکونو سره همکاري کړې ده.

د ولايتي شورا غړي اسرار الله مراد د جرايمو او فساد په کموالي کې د ولسونو او ځوانانو ونډه مهمه وبلله.

Loading...

بیا وګوره

مولانا طارق جميل په پښتنو ملنډې وهلي

د پاکستان يو مشهور عالم او د تبليغيانو مشر مولانا طارق جميل يو ځل بيا …

کندوز: شپږ وسله وال په هوايي بريد کې وژل شوي

  نن غرمه يوولس نيمې بجې په کندوز افغان هوايي ځواکونو د دغه ولايت په …