د لوګر د زردالو د حاصلاتو کچه لوړه شوې

خبریال وېب پاڼه/ د لوګر ولایت د کرنې، اوبو لګولو او مالدارۍ ریاست په دې ولایت کې د زردالو د حاصلاتو له زیاتوالي خبر ورکوي او وایي، یوازې د دې ولایت د څرخ ولسوالۍ د زردالو سږنۍ حاصلات دوه زره او ۵۰۰ ټنه ده، چې عواید یې ۵۰ میلیونه افغانیو ته رسیږي.

د لوګر د کرنې ریاست وایي، چې په دې ولایت کې د کرنې وزارت د بڼوالۍ او مالدارۍ ملي پروژې «NHLP» له خوا د نورو مېوو ترڅنګ د زردالو عصري بڼونه هم جوړ شوي دي، چې موخه یې د زردالو عصري بڼونو دودول دي.

د کرنې وزارت له چوپړونو څخه د لوګر ولایت برخمن شوي بڼوال وایي، چې د کرنې وزارت د بڼوالۍ او مالدارۍ ملي پروژې له خوا بزګرانو او بڼوالو سره همکارۍ او دوی ته روزنه ورکول د بڼوال د محصولاتو په زیاتوالي کې اغېزناک دي او د کرنې وزارت د بڼوالۍ او مالدارۍ ملي پروژې له خوا روزنې او تخنیکي سلا مشورې د دوی د بڼونو د حاصلاتو د زیاتوالی لامل شوي دي.

د لوګر ولایت د کرنې ریاست د معلومات له مخې دمګړۍ په دې ولایت کې د زردالو ډېر بڼونه جوړ شوي دي او ډېر شمېر بزګران د زردالو په پالنه بوخت دي.

د لوګر ولایت د زردالو محصولات د دې ولایت د کورني اړتیا پوره کولو تر څنګ ګاونډیو ولایتونو ته هم صادریږي.

سږ کال د کرونا ویروس له خپرېدو سره هم مهاله د کروندګرو د فصلونو حاصلات هم ښه نه وو او زیات فصلونه بې حاصلاتو وچ شول او له منځه ولاړل، خو د زیاتو مېوو په حاصلاتو کې څو برابره زیاتوالی راغلی.

کروندګر له حکومت غواړي چې کرنیزو تولیداتو لپاره یې مناسب بازارونه جوړ کړي، د دوی پر وینا چې د مېوو حاصلات او سبزیجات به یې له وخت وړاندې خوسا شي.

اوس مهال د ګاونډیو هېوادونو سره د افغانستان یو شمېر سوداګریزې لارې وخت نا وخت خلاصې او تړل کیږي، چې له دې کبله هم سوداګرو او کروندګرو ته سر خوږی جوړ دی.

تېرو میاشتو کې د کرونا ویروس د خپرېدو د مخنیوي له کبله ګاونډیو هېوادونو سره د پولو او سوداګریزو لارو په تړل کېدو، د سبزیجاتو او مېوو د خوسا کېدو له کبله سوداګرو او کروندګرو ته څه نا څه مالي زیانونه ورسېدل.

افغانستان د کورنیو تولیداتو د صادرولو او په کور دننه د اړتیاوو د پوره کولو لپاره د ګاونډیو هېوادو پر وارداتو متکي ده، خو د ګاونډیو هېوادونو سره وخت نا وخت د سیاسي اړیکو پر خرابېدو سوداګریزې اړیکې هم زیانمنې کیږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum