هند غوره لیګ له چین سره یو لوی قرار داد منسوخ کړ

خبریال وېب پاڼه/ د چین موبایل جوړونکی شرکت Vivo د هندغوره لیګ (آی پي ایل ) اصلي تمویلوونکی شرکت و، چې د آی پي ایل له لوري ورسره تېره اونۍ له هغې وروسته قراداد وځنډول شو، چې په سرحد کې د هند او چینایي پوځیانو ترمنځ سختې نښتې وشوې.

آی پي ایل د یادې چینایي کمپنۍ سره د ۳۳۰ میلیونه ډالرو په ارزښت په ۲۰۱۷ کال کې د پنځه کلونو لپاره قرارداد لاسلیک کړی و.

د هند د کرېکټ کنټرول ادارې مشر ساراو ګنګولي ویلي، چې د دغې کمپنۍ سره د قراداد ځنډول یوه وړه موقتي ستونزه ده او د بورډ په مالي چارو به هیڅ اغېز ونه کړي.

ګنګولي وویل ، ” د هند د کرېکټ د کنټرول اداره یو قوي بنسټ دی؛ لوبغاړو، لوبې او اداره کوونکو په تېر وخت کې دا اداره تر دې حده قوي کړې چې د دا شان وړو موضوعاتو چاره کولی شي”.

د هندي کرېکټ دا پخوانی لوبغاړی او اوسنی چارواکی زیاتوي، چې په نورو لارو چارو کار کوي.

د Vivo شرکت بیا وایي، چې قرارداد د طرفینو په موافقې ځنډیدلی دی.

د هند غوره لیګ ټاکل شوې چې بله میاشت په عربي اماراتو کې پیل شي، دا لیګ د نړۍ د تجارتي لیګونو په سر کې ځای لري او لوبغاړو ته پکې پرېمانه پیسې ورکول کېږي.

په دې سیالیو کې د څو افغان لوبغاړو په ګډون د نړۍ مشهور لوبغاړي هم لوبېږي.

د جون د میاشتې په ۱۵ مه نېټه د دواړو هېوادونو سرحد کې یې د پوځیانو ترمنځ خونړۍ نښته وشوه، چې پکې شل هندي عسکر هم ووژل شول.

د هغې وروسته دننه په هند کې د چینایي کمپنیو سره د راکړې ورکړې بندول او د جینایي محصولاتو نه کارولو په ضد کمپاینونه وشول.

د هند حکومت وار د مخه د ټلیفونونو مشهور چینایي اپلیکیشن ټیک ټاک په شمول ګڼ نور چینایي اپلیکیشنونه بند کړل او د دې هېواد سره یې د سوداګرۍ کابو کولو هوډ هم کړی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More