ارګ – نفوذي طالبان کابل ته رارسېدلي دي

خبریال وېب پاڼه/ د ولسمشرۍ ماڼۍ د عامه اړیکو او ستراتیژیکو چارو مشر او د ولسمشر سلا کار وحید عمر وایي، د طالبانو نفوذي کسان په کابل ښار کې ډاډه او عادي تګ راتګ کوي.

وحید عمر د ځوانانو د ورځې په مناسبت په ځانګړو مراسمو کې ویلي، له طالبانو سره سوله د سیاسي جوړ جاړي او مذاکراتو له لارې نا ممکنه ده، د حکومتي سرحدونو وړاندې باید سولې ته کار وشي.

ښاغلي عمر کابل ښار کې د طالبانو نفوذ او ځانګړو ځواکونو شتون تاییدوي.

د افغانستان ولسمشرۍ ماڼۍ په داسې حال کې په کابل کې د طالبانو د حضور خبره را پورته کوي، چې طالبان اوس مهال د کابل کوتل، خیرخانې او سرای شمالي پورې فعالیتونه لري.

طالبان په کابل کې له کلونو کلونو راهیسې حضور لري، خو افغان حکومت اوس د طالبانو د شتون خبر تاییدوي، له دې ښکاري چې اوس د طالبانو حضور تر ارګه رسېدلې ځکه افغان حکومت هم پوه شوی او غږ یې اوچت کړ.

اوس مهال افغان حکومت اندېښمن دی او ځکه ټینګار کوي، چې له طالبانو سره د سیاسي جوړ جاړي او مذاکراتو له لارې هم سوله نه شي کېدی، نو باید د حکومت له کړیو او بسنټونو ها خوا سولې ته په پراخه کچه کار وشي.

طالبان له ډېرې مودې را هیسې د کابل ښار په شاوخوا او دننه کې لیدل شوي دي، خو افغان حکومت هم نن دا خبره ښکاره کړه، عام افغانان اندېښنه لري، چې د طالبانو نفوذي کسان څنګه او د څه لپاره تر کابل رسېدلي دي.

پلازمېنې کابل کې د طالبانو د نفوذي کسانو د حضور خبر داسې مهال را پورته کیږي، چې افغان حکومت او طالبان د بین الافغاني مذاکراتو د پیلېدو په درشل کې دي او که د طالبانو له لوري بیا کومه پلمه جوړه نه شي، ممکن په روانه اوونۍ کې د دواړو خواوو د مذاکراتو پلاوي د مذاکراتو پر مېز را غونډ شي.

د ولسمشرۍ ماڼۍ د عامه اړیکو او ستراتیژیکو چارو رییس وحید عمر له دې خبرېچې د دطالبانو سره سوله د سیاسي جوړ جاړي له لارې نا ناشونې ده، ښکاري چې افغان حکومت پر طالبانو باور نه لري، چې ګواکې د بین الافغاني مذاکراتو له لارې له حکومت سره سوله وکړي.

طالبانو تر دم ګړیه په کابل کې د خپلو مهمو او نفوذي کسانو د حضور په اړه د افغان حکومت پر ادعا کوم غبرګون نه دی ښودلی، په داسې حال کې چې د طالبانو مهم غړي نن کوٸټې ته د طالبانو د یو مهم او لوړ پوړي چارواکي جنازې ته تللې وو.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More