يو شهکار ناول او د لوستونکو غبرګونونه

خبريال ويبپاڼه /که په افغانستان کې د ناولونو په اړه خبري کوو يا په کيسه ليکوال خبري کوو ذهين ته مو سم دلاسه د نصير احمدي نوم راځي ښاغلی احمدي هغه کيسه ليکوال او ناول ليکوونکی دی چې تر ۱۵ ډير ناولونه يې ليکلي دي چي هر يو يې په خپل ځای ډير غوره ناول دی.

دا دی بيا د نصير احمدي احمدي يو بل نوی ناول د(رنګه غوږونو) په نامه چاپ شوی چې په څو ورځو کې ډير مشهور او ډيریو خلکو لوستی او په ټولينزو رسنيو کې يې خپلي تبصري هم ليکلي.
د ټولنيزو رسنيو ډير کارونکو دغه ناول يو شهکار بللی او هغه يې د پښتو ناول د بڼ تر ټولو غوره ناول بللی دی.
د ټولنيزو رسنيو يوه کارونکي ددغه ناول له لوستو وروسته داسي تبصره کړي(زه د ښاغلي احمدي صاحب ليکوالۍ ته سلام کوم. د هغه دصفت هيڅ الفاظ ورته نه لرم چې پرې ويې ستايم، دغه( رنګه غوږونه) يو داسي ناول دی چې بايد د اطلاعاتو فرهنګ وزارت له خوا په لسګونو زره چاپ او په افغانستان کې تر هر لوستي سړي ورسږي. ځکه دی زياتوي چې دغه ناول د وطن دوستي انسان دوستي او بشريت دوستي د زده کولو لپاره تر ټولو کتاب او.ښوونکی دی.)

د ټولنيزو رسنيو يو بل فعال او کارونکي اميار ساجد پر خپل فسبوک وال ليکلي چې د ( احمدي صاحب شهکار ناول (رنګه غوږونه ) مي په يوه ساه ولوست سم يې وژړلم ، دا ومني چې دا ناول به مو وچي سترګي پرينږدي.)

شريف شرين ددغه ناول (رنګه غوږونو) په اړه ليکلي چې زه په انګلسي ژبه کې د برازيلي ليکوال (پاول کويلو) ناولونه او په پښتو ژبه کې د نصيراحمد احمدي ناولونه حتمن لولم ).

د نصير احمد احمدي ورور منير احمد په خپل فسبوک وال له اوږدي ليکني وروسته رنګه غوږونه ناول شهکار بللی او د ليکوال د پخي ليکوال او د ناول په برخه کې د غوره ناول دليکلو له کبله هغه ته د استاد لقب ورکړی.

بايد وويل شي چې( رنګه غوږونه) ناول په سبوليکه ژبه د افغاني ټولني بد کړوه وړه غندي او لوستونکو ته په داسي انداز نصحت کوي چې هغوي پرې پو هم نه شي خو ولي ليکوال په ډير مهارت او ځيرکۍ په لوستونکو د ټولني د سمون خبري منللای شي.

په دغه ناول کې د ناول مرکزي لوبغاړی له ځکمي بل جهان (ستوري) ته خيژي او هغوي هم لکه افغانان په خپلو منځونو کې سره په جنګ دي.

هيره دي نه وي چې ښاغلي احمدي تر رنګه غوږونو ناول مخکي د جوجو په نامه ناول چې ددې ناول لومړی برخه ده چاپ کړ چې د لوستونکو له تود هر کلي سره مخ شو.

د نصير احمد احمدي تر ټولو مشهور ناول چې په څو نورو ژبو هم ژباړل شوی، بغدادي پير(ډيوډ جونز) نوميږي، چې په نړيواله کچه مشهور شو.

چې رڼا، بوړبوکۍ ، يوه خبره درته کوم، بوډا او د ليوانو پلونه ، بغدادي پير، اخ وطنه ، ټال ، جوجو ، زور ، نيکه ، پټان، دمعجزي تيږه، خونکار، اغزن سيم د نصير احمد احمدي هغه ناولونه دي چې د پښتو ژبي د ناول بڼ پرې ښايسته ده.