fbpx

د کاناډا په ګلوبل لیګ کې، درې لوبډلې له سیالیو بهر شوې

د کاناډا نړۍ وال سوداګریز کرکټ لیګ چې د جون په ۲۸ مه نېټه د ۶ لوبډلو په ګډون پیل شوی و، مهم پړاو ته رسېدلي.
په دغه لیګ کې د نجیب الله ځدران دې لوبډلې په ګډون درې لوبډلې، مونټ ریئیل ټایګرز، اېډمونټن رویالز او ټورنټو نېشنلز لوبډلې په لومړي پړاو کې له سیالیو بهر شوې.
وانکوور نایټ، وېنېپېګ هاکس لوبډلې نن لوبې کوي او سي ډبلیو آې لوبډله تر پایلوبې رسېدلې ده.
که وانکوور نايټ لوبډله چې لوبډلمشریې کرېس ګېل دی لوبه وګټي؛ نو تر پایلوبې رسېږي او که د ډېوېډ وارنرلوبډله وېنېپېګ هاکس نننۍ لوبه وګټي تر پایلوبې رسېږي.
دا د دې سیالیو لومړی پړاو و، چې افغان لوبغاړی نجیب الله ځدران هم پکې اخېستل شوی و، نوموړي په درې لوبو کې توپ وهنه وکړه، چې ۵۱ منډې یې پکې جوړې کړې وې او لوبډله یې ټایګرز په لومړي پړاو کې بهر شوه.
د دې سیالیو پایلوبه د جولای په ۱۵ مه نېټه د یکشنبې په ورځ ترسره کېږي.