افغان حکومت له ازبکستان سره د ۱۰ کلو لپاره د بريښنا د ورکړې تړون لاسليک کړ

خبريال ويبپاڼه /د افغانستان د بهرنيو چارو وزارت په خپره کړي اعلاميه کې ويلې چې افغان حکومت له ازبکستان سره د ۱۰ کلونو لپاره د بريښنا د ورکړي تړون لاسليک کړ.

په هغه اعلاميه کې چې د افغانستان د بهرنيو چارو وزارت څخه خپره شوي ده پکې ويل شوي چې د افغانستان د بهرنيو چارو چار سمبالي وزير محمد حنيف اتمر او د هغه سيال عبدالعزيز کاملوف سره وليدل.

اعلاميه زياتوي چې محمد حنيف اتمر او د ازبکستان بهرنيو چارو وزير عبدالغزيز کاملوف د بريښنا د ليږد او د افغانستان د بريښنا شرکت او د ازبکستان د انرژۍ ورازت تر منځ د هوګړې د تر سره کولو په سر سره موافقي ته رسيدلي دي.

دا په داسې حال کې ده چې تيره مياشت د افغانستان بريښنا شرکت اعلان وکړ چې په ازبکستان کې د اوبو د کمښت له امله دغه هيواد افغانستان ته د ۳۵۰ ميګا وآټه پر ځای ۳۰ ميګاواټه ته د بريښنا ليږد را ټيټ کړی دی.
چې د بريښنا د کمښت له امله پلازمينې کابل د افغانستان شمالي او ختيځ ولايتونه د بريښنا له سختي پارچاوۍ سره مخ وو.

په ازبکستان کې د افغانستان سفير احمد خالد علمي بې بې سي ته ويلي چې ددغه ټړون له مخي به د بريښنا ليږ د سرخان بريښنا مزو له لاري تر سره شي.
ښاغلي احمد خالد علمي زياته کړه چې ازبکستان اوس غواړي په افغانستان کې د بريښنا په برخه کې پانګونه وکړي. د سفير په وينا ازبکستان غواړي د بريښنا اوسنۍ کچه تر ۴۵۰ ميګا واټه لوړه کړي.

د افغانستان سفير زياته کړه چې له دې وروسته د ازبکستان پانګه د بريښنا په برخه تر يو ميليارد پوري ورسيږي. دا په داسې حال کې ده چې د ازبکستان د پانګې اوسنۍ کچه ۶۰۰ ميليونه ډالره ده.

هيره دې نه وي د افغانستان د بهرنيو چارو سرپرست وزير محمد حنيف اتمر له هغو افغان سوداګرو سره هم وکتل چې د ازبکستان په هيواد کې اوسيږي.

په اعلاميه کې راغلي چې افغان سوداګرو محمد حنيف اتمر ته دا هم وويل چې د ازبکستان توليدات به افغانستان ته د نورو هيوادنو په پرتله ډير ارزانه تماميدای شي.

بايد وويل شي چې په افغانستان کې د بريښنا د ټکني وضعت له امله سوداګر ، هټۍ وال ، د فابريکو څښتنانو کارونه له ستونزو سره مخ کړي دي.
حتی په پلازمينه کابل کې خو د بريښنا پار چاو دومره زيات شوی چې کابل ميشتي د کور روښانولو لپاره اړ کيږي چې له نورو وسايلو کار واخلي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More