د مثبتو پېښو پر لوړېدو د پولیو ضد واکسین بیا تطبیقیږي

خبریال وېب پاڼه/ هېواد کې د کرونا وبا له خپرېدو او ترې د مخنیوي او خویتوب په موخه د پولیو د واکسینو تطبیق ځډېدلی وو.

په وروستیو کې د هېواد په زیاتو ولایتونو کې د پولیو د مثبتو پېښو د شمېر په لوړېدو د عامې روغتیا وزارت یو ځل بیا د پولیو واکسین تطبیقوي.

د کرونا وبا په څه نا څه مهارېدو سره په لسو ولایتونو کې د پولیو واکسین تطبیقېدل، چې اوس مهال د دې ناروغۍ د پېښو پر لوړېدو د عامې روغتیا وزارت اړینه وګڼله چې سر له نن وږي میاشتې ٢٤ مې څخه تر ٢٨مې نېټې پورې د هېواد په شلو ولایتونو کې پولیو ضد واکسین تطبیق کړي. چې شا خوا شپږ میلیون ماشومانو ته به د پولیو ضد واکسین څاڅکي واچول شي.

عامې روغتیا وزارت اعلامیه خپره کړې او له ټولو هېواد والو یې غوښتي چې د پولیو پر ضد له پنځه کالنۍ ښکته خپل ټول ماشومان واکسین کړي. یاد وزارت اندېښنه ښیي چې ممکن دوه میلیون ماشومان د پولیو ضد واکسینو له تطبیق بې برخې پاتې شي.

د کرونا وبا له کبله د پولیو ضد واکسین د تطبیق ځنډېدلو له کبله په لومړیو دریو میاشتو کې ١٣ مثبتې پېښې ثبت شوې وې چې اوس دا شمېر تر هغې نوره هم لوړه شوې ده. او ٤٥ ماشومان کې د پولیو مثبتې پېښې ثبت شوي دي.

د افغانستان په نا امنو سیمو کې لا هم ماشومان د پولیو ضد واکسینو له څاڅکو بې برخې دي او همدا لامل دی چې دا ناروغي په هېواد کې نه ده ورکه شوې.

د نورو هېوادونو ماشومان له دې ناروغۍ نه کړیږي، په ټوله نړۍ کې او په ځانګړې توګه په اسیا لویه وچه کې افغانستان او پاکستان یوازني هېوادونه دي چې د ماشومانو د فلج یا پولیو ناروغي په کې دوام لري.

افغانستان کې د ماشومانو فلج یا پولیو ناروغۍ د اوږدېدو لامل څو کلنه اوږده جګړه ده، چې زیات شمېر ماشومان له دې واکسینو بې برخې پاتې دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More