د شپږیزې اووم پړاو سیالیو اتلولي کابل بازانو ترلاسه کړه

خبریال وېب پاڼه/ د شپږیزې کرېکټ لیګ اووم پړاو سیالیو پای لوبه نن په پلازمېنه کابل کې د کرېکټ نړیوال لوبغالي کې د کابل بازانو لوبډلې له مس عینک لوبډلې یوړه او د دویم ځل لپاره یې د شپږیزې لیګ اتلولي تر لاسه کړه.

د لوبې پچه د مس عینک لوبډلې وړې وه او کابل بازانو ته یې د توپ وهنې چانس ورکړ، کابل بازانو د مس عینک لوبډلې ته په لسو ویکټو او شلو اورونو په لوبولو سره مقابلې لوبډلې ته ١٤٠ هدف وټاکه خو د مس عینک لوبډله ونه توانېده چې له ١٤٠ منډو یې واړوي او بریا خپله کړي.

د نن او شپږیزې اووم پړاو کرېکټ سیالیو د پای لوبې غوره لوبغاړی ننګیال خروټي د ٢١ منډو او دوه ویکټو په ترلاسه کولو وټاکل شو.

د شپږیزې کرېکټ لیګ اووم پړاو سیالیو کې مس عینک لوبډلې پرون په نیمه پای لوبه کې بند امیر ته ماتې ورکړه او د شپږیزې پای لوبې ته ووته.

مس عینک لوبډلې و کولی شول، چې بند امیر لوبډله د پنځو ویکټو په توپیر وروسته کړي او ځان تر پای لوبې ورسوي.

لومړی توپ وهنه د بند امیر لوبډلې له لوري ترسره شوې وه، چې مقابلې مس عینک لوبډلې ته یې ١٧٩ هدف کېښودی وو او مس عینک لوبډلې وکولی شول چې د پنځو ویکټو په توپیر بند امیر له پای لوبې را وګرځوي او بریا په خپل نوم کړي.

د تېر کال د شپږيزو جام سيالیو اتلولي د مس عينک لوبډلې ګټلې وه خو هغه مهال يې محمد نبي عیسی خېل لوبډل مشر وو چې اوس مهال د دې لوبډلي لوبډل مشري شاپورځدراڼ کوي.

تېر کال له دې لوبډلې سره د بالينګ په برخه د افغان ملي لوبډلې تکړه توپ اچوونکی نوين الحق هم ملګری وو.

او د بيټنګ په برخه کې بريدګر توپ وهوونکی رحمان الله ګوربز مس عينک تر ټولو تکړه لوبغاړی وو، خو دا ځل رحمان الله ګوربز په خپله د مس عينګ خلاف د کابل بازانو لوبډل مشر وو، چې په بریالۍ توګه یې لوبډل مشري وکړه او خپله لوبډله یې اتلولۍ ته ورسوله.

د شپږیزې لیګ اووم پړاو کرېکټ سیالۍ چې باید لا پخوا ترسره شوي وی د کرونا وبا د خپرېدو او ترې د خوندیتوب له کبله ځنډول شوې وه.

نن ورځ د شپږیزې پای لوبې ته د هېواد له هر ولایت نندراچیان د کرېکټ او د کرېکټ د ځوانو لوبغاړو مینه وال راغلي وو چې د لوبې هره برخه یې په چغو شور او ولولو بدرګه کوله.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum