دانش: احمد شاه بابا، غازي امان او تاریخي شخصیتونو ته درناوی لرم

خبریال وېب پاڼه/ د ولسمشر دویم مرستیال نن د سولې د نړیوالې ورځې په مناسبت په وینا کې وویل چې لوی احمد شاه بابا، غازي امان الله خان او نورو تاریخي شهصیتونو ته درناوی لرم.

دانش د خبرو په یو اړخ کې په بامیانو ولایتونو کې د خپلو خبرو په تړاو چې سدوزي او محمدزي او د پښتنو تاریخي نظامونه او حکومتونه یې د طالبانو سره پرتله کړي وو، په اشارې وویل، زه لوی احمد شاه بابا بابا، غازي امان الله خان او نورو تاریخي څېرو او شخصیتونو ته درناوی لرم، او د تېرې ورځې له خبرو مې نا سم تعیبر اخیستل شوی.

د ولسمشر دویم مرستیال سرور دانش زیاته کړې، چې د تېرې ورځې د خبرو موخه یې د جمهوریت او سلطنتي نظامونو پرتله کول وو، نه یو شخصي او قومي نظر.

دانش پرون له ولسمشر سره ګډ بامیان ولایت ته سفر درلود او د وینا پر مهال یې ویلي وو، د طالبانو حکومت عیناً د سدوزیانو او محمدزیو ٢٣٠ کلن استبدادي او دیکتاتوري حکومتونو او نظامونو بڼه لري. چې هغه وخت هم یوې کوچنۍ قبیلې چې د ولس له روح او محتوا سره یې تړاو نه درلود په مؤرثي ډول حکومت کاوه او امارت هم د هغوی په شات ډله ده.

د سرور دانش دا څرګندونې په ټول هېواد کې د پښتنو او پښتنو د نویو ځوانانو ګڼو غبرګونونو سره مخ شوي.

پر خواله رسنیو فعالان ویلي، سرور دانش باید د خپلو دې څرګندونو په تړاو له ملت او په ځانګړې توګه له پښتنو بیا بیا بخښنه وغواړي.

د خواله رسنیو کاروونکو د سرور دانش د یادو څرګندونو په غبرګون ویلي، چې خپله په ایران کې را لوی شوی، پلرونه او نیکونه یې معلوم نه دي او را پاڅیږي د پښتنو پر لوی تاریخ ملنډې وهي. په داسې حال کې چې خپله یو مهاجر او له مغلوستان را کډه شوی د چنګیز له اولادې نه دی، او د مغولستان یو مهاجر باید دا حق ځان ته ور نه کړي چې د پښتنو د تاریخ لوی څټې او تاریخ یې سپک کړي.

دوی ټینګار کوي چې ژر دې له پښتنو په رسمي توګه بخښنه وغواړي، او نور دې د دوی د زغم ازموینه نه اخلي، کنه نه د ایران د هغه روزل شوي چاسوس په څېر به یې له دې وطن لېرې وغورځوي لکه څنګه چې طالبانو ایرانی جاسوس له هلیکوپټر وغورځاوه.

د ولسي جرګې ځینو غړو او زیات شمېر پښتنو سیاسي او جهادي مشرانو او چارواکو د ښاغلي سرور دانش خبرې غندلي او دا یې په اوسني حساس وخت کې بې اتفاقۍ او د جنګ اور ته لمن وهل بللي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum